“2022 12th E-icon World” тэмцээнд оролцохыг урьж байна
2022.06.22

“2022 12th E-icon World” тэмцээнд оролцохыг урьж байна

БНСУ-ын Боловсролын яамнаас зохион байгуулдаг e-ICON World Contest буюу дижитал боловсролын ODA (official development assistance) төсөл нь БНСУ-ын болон түнш орнуудын ахлах дунд сургуулийн сурагчдаас бүрдсэн баг нэгдэн боловсролын контент хөгжүүлэлт хийдэг олон улсын тэмцээн юм. 

10 жилийн түүхэндээ (2011-2021 он) тус тэмцээнд Ази, Африк, Төв болон Өмнөд Америкийн 31 орноос багш, сурагчид нийлсэн 1033 оролцогч оролцсон бөгөөд олон улсын дижитал боловсролыг дэмжихүйц 186 мобайл аппликейшн хөгжүүлэлт хийжээ. Энэхүү уралдаан нь сурагчдын дижитал чадвараа хөгжүүлэх, хилийн чанад дахь бусад оролцогчидтой хамтран ажиллах, дижитал шилжилтийн эрин үеийн манлайлагчдын ирээдүйг дэмжих боломж олгодог давуу талтай юм.

Хамрах сэдвийн тухайд тогтвортой хөгжлийн 3 дахь зорилтын хүрээнд "Good Health and Well-Being" сэдвийн дагуу мобайл аппликэйшн хөгжүүлэлтээр, ахлах сургуулийн багш сурагчид  оролцох боломжтой. Хугацаа 2022 оны 08 дугаар сарын 01-26-ны хооронд болно.

Хамтран зохион байгуулах байгууллагаар KEFA link.html ажиллана. Оролцогчид бүртгэлийн холбоосноос өргөдлийн маягт болон оролцогчдын нэрсийн жагсаалтын хүснэгтийг татаж бүрэн гүйцэд мэдээллээ оруулаад eicon.kefa@gmail.com хаяг руу 2022.07.01 өдрийн Баасан гарагаас өмнө илгээнэ.

Дэлгэрэнгүй мэдээллийг KEFA дэлхийн хамтын ажиллагааны багийн (eicon.kefa@gmail.com) цахим хаягаар холбогдож авах боломжтой юм.