УИХ-ын Хууль зүйн байнгын хорооны өнөөдрийн /2020.07.04/ хуралдаанаар Улсын дээд шүүхийн нэр дэвшигчидтэй хийх нэр дэвшигчийн сонсгол хийлээ.

УИХ-ын гишүүн Ц.Сэргэлэн:

Та өөрөө шүүхийн салбарт ялангуяа анхан, дунд шатанд мэргэжлээрээ ажилласан хүний хувьд өнөөдөр шүүхийн шинэтгэл ямар шатанд явж байна вэ. Шүүхийн шинэтгэлийн үр дүн хэр гарч байна гэдэг дээр ямар бодолтой байна. Улсын их хурлаас авч хэрэгжүүлсэн шүүхийн шинэтгэлийн талаарх, эрх зүйн шинэчлэлүүд, олон арга хэмжээ байна. Дээд шүүхээс авч хэрэгжүүлж байгаа арга хэмжээнүүд доод шатандаа хэр очиж бодитой ажил хэрэг болдог вэ. Ялангуяа анхан, дунд шатанд ажил хийхэд, хуулийг хэрэгжүүлэхэд,  үндсэн үйл ажиллагаа явуулахад хэр дэм болж байна вэ.