Баянгол дүүргийн "Багшийн чадвар бэхжүүлэх хөтөлбөр" БНСУ-д хэрэгжиж дууслаа.

Хөтөлбөрт хамрагдаж буй манлайлагч багш болон БГД-ийн ИТХ-ын дарга Б.Сэмжидмааг БНСУ-ын Тэжон хотын "Ханбат" их сургуулийн захирал Чой Бён Вүк хүлээн авч уузлаа. Уулзалтаар Баянгол дүүргийн багш нарын заах арга зүйг сайжруулах 14-30 хоногийн сургалтанд үе шаттай хамруулах, тус сургуульд 50-100 хүртэлх хувийн тэтгэлэгтэй оюутан суралцуулах, шинжлэх ухаан судалгааны чиглэлээр дэмжин ажиллахаа илэрхийллээ.

Тус сургууль нь:

95 жилийн түүхтэй БНСУ-ын улсын 39 сургуулийн нэг
13000 орчим оюутантай
27 мэргэжил эзэмшүүлдэг
Хичээлийн болон оюутны тохилог том жижиг нийлсэн 100 орчим байртай
Шинжлэх ухаан судалгааны төвүүдтэй
Шинжлэх ухаан технологийн хот болох Тэжон хотдоо байрладаг.

"Багшийн чадавхийг бэхжүүлэх хөтөлбөр"-т хамрагдсан багш нар дэлхийд шинжлэх ухааны хөгжлөөрөө тэргүүлэх байр суурьтай БНСУ-ын их сургуулиас туршлага, ул суурьтай бодлого, боловсролтой танилцаж ганзага дүүрэн богцтойгоор эх орондоо ирж байна.

Баянгол дүүрэг БНСУ-ын "Ханбат" их сургуультай хамтран ажиллана