БОАЖЯ-ны сайд Б.Бат-Эрдэнэ, Нийслэлийн засаг даргын орлогч З.Төмөртөмөө нар өвөлжилтийн бэлтгэл ажлын хүрээнд “Таван Толгой Түлш” ХХК-н баруун бүсийн үйлдвэрт ажиллаж байна.

Өнөөдрийн байдлаар нийслэлийн хэмжээнд 60 мянга орчим тонн түлш агуулахуудад нөөцлөөд байгаа бол баруун бүсийн үйлдвэрийн талбайд 7000 орчим тонн түлш бэлэн байгаа юм.

БОАЖЯ-ны сайд Б.Бат-Эрдэнэ: Өнгөрсөн гурван жилийн хугацаанд гаргасан алдаа дутагдлуудыг гаргаж болохгүй. Үйлдвэрийн ажилчдын эрүүл мэндийн асуудлыг нэгдүгээрт тавих хэрэгтэй. Үйлдвэрийн орчны асуудлыг сайжруулах үүднээс зүлэгжүүлэх, мод тарих ажлуудыг эхлүүлсэн байна. Улам сайжруулах хэрэгтэй. Мөн тоног төхөөрөмж, засвар үйлчилгээний асуудлыг сайжруулах түүнтэй холбогдолтой худалдан авалт зэргийг шуурхайлах хэрэгтэйг анхааруулав.

Нийслэлийн Засаг даргын орлогч З.Төмөртөмөө: Энэ жил борлуулалтын цэгүүдийг эрт нээнэ. Өнгөрсөн жил өндөрлөг газарт 86 борлуулалтын цэг ажлуулсан. Энэ жил өндөрлөг газар дахь борлуулалтын цэгүүдийн тоог нэмж ажиллуулна" гэв.