Чуулганы завсарлагаагаар цөөнгүй ажил амжуулсны нэг нь Английн Врокстон Коллежийн Парламентын гишүүд, улс төр судлаачдын 15 дугаар нэгдсэн сургалтад оролцсон үйл явдал байлаа.

Хоёр жил тутам зохион байгуулагддаг тус сургалт нь цар тахлын дараа ийнхүү 27 улсаас сонгогдсон нийт 50 орчим парламентын гишүүд, улс төр судлаачдын дунд зохион байгуулагдлаа.

Сургалтаар олон улсын эрдэмтэн, судлаачид улс төрийн шинжлэх ухааны талаар өөрсдийн судалгааг танилцуулж, олон улсын парламентын гишүүд харилцан санал солилцдог билээ. Энэ жил судлаачид цар тахлаас үүдсэн парламентын шинэчлэл, парламентын институцийн чиг хандлага зэрэг сонирхолтой сэдвээр хэлэлцүүлэг өрнүүллээ.

Тус сургалтад хамрагдахын зэрэгцээ Оксфордын Их Сургууль, Лийдсийн Их Сургууль, Торонтогийн Их Сургууль тэргүүтэй дэлхийд тэргүүлэгч их сургуулиудын улс төр судлалын эрдэмтэдтэй улс төрийн чиг хандлагын талаар сонирхолтой яриа өрнүүлэх нь нэр төрийн хэрэг байлаa.

Улсын Их Хурлын 2022 оны ээлжит бус чуулган өнөөдөр эхэллээ

Улсын Их Хурлын 2022 оны ээлжит бус чуулган өнөөдөр эхэллээ