Түлш хэмнэгч “Бортог”-ыг уламжлалт зуухтай өрхүүдэд суурилуулж байна
2022.09.07

Түлш хэмнэгч “Бортог”-ыг уламжлалт зуухтай өрхүүдэд суурилуулж байна

Галлагааны улирал эхэлж буйтай холбогдуулан Байгаль орчин, аялал жуучлалын яам, Орчны бохирдлыг бууруулах Үндэсний хороо, “Таван түлш толгой” ХХК болон Сонгинохайрхан дүүргийн удирдлага, алба хаагчид өнөөдөр  28 дугаар хороонд ажиллалаа.

Тус төлөөллүүд өвөлжилтийн бэлтгэл ажлын биелэлттэй танилцан агаарын бохирдлыг бууруулах хүрээнд авч хэрэгжүүлж буй түлш хэмнэх, утааг бүрэн шатаах, угаарын хийн эрсдэлээс урьдчилан сэргийлэх “БОРТОГО” суурилуулсан өрхүүдээр зочилж  хэвийн ажиллагааг нийтэд танилцуулсан юм.

Энэхүү бортогыг 28 дугаар хорооны уламжлалт зуухтай 368 айлд суулгана. 

Холбогдох төлөөллийн ажилласан 28 дугаар хороо нь 8 хэсэг, 2001 өрхтэй. Үүнээс яндантай өрх 1780, цахилгаан халаагууртай 221 өрх байдаг.