Сонгинохайрхан дүүргийн 2,8,15,19 дүгээр хороодод хүүхэд багачуудыг соён гэгээрүүлэх, цагийг үр бүтээлтэй өнгөрүүлэх таатай орчин нөхцөлийг хангасан номын сангууд үйл ажиллагаа явуулдаг.

Эдгээр номын сангаас гадна Сонгинохайрхан дүүргийн Хөдөлмөр, халамжийн хэлтсийн нэгдүгээр давхарт “Эрдэм-Өргөө” номын сан мөн үйл ажиллагаа явуулдаг юм.

Энэхүү номын сангийн үйл ажиллагааг “Холт интернэшнл” хүүхэд хамгааллын чиглэлээр үйл ажиллагаа явуулдаг төрийн бус байгууллага эрхэлдэг. Тус газар нь Сонгинохайрхан дүүргийн Хөдөлмөр, Халамж үйлчилгээний хэлтэстэй хамтран хүүхдийн хөгжил, гэр бүл хүүхдийн амжиргааг дэмжих олон төсөл хөтөлбөрүүдийг хэрэгжүүлж байгаагийн нэг нь энэхүү номын сан билээ.

Эл номын сан Сонгинохайрхан дүүрэгт амьдардаг хүүхэд бүрт нээлттэй.

Тус номын сан 2016 оноос хойш үйл ажиллагаагаа явуулж эхэлжээ. Номын санд 25-30 хүртэлх хүүхэд хүлээж авах боломжтойгоос гадна жилийн дөрвөн улиралд багачуудыг сурч, боловсрох таатай орчин нөхцөлөөр хангадаг.

Зуны улиралд эл хуль байдаг ч бусад үед 9, 62, 143 дугаар сургуулийн хүүхдүүд ихэвчлэн ирдэг аж. Сурагчид гэрийн даалгавар, хичээлээ давтангаа ном уншиж, интернэт хэрэглэх бүрэн боломжтой.

"Эрдэм-Өргөө" номын сан 09:00-17:00 цаг хүртэл ажилладаг. Тэд 62 дугаар сургуулийн цайны газартай гэрээ байгуулж өглөө, өдрийн ээлжинд номын санд суусан хүүхдүүдийн өдрийн хоол, цайг бэлтгэн өгдөг байна.

“Эрдэм-Өргөө” номын сан хүүхэд бүрт нээлттэй