Баян-Өлгий аймгийн Алтанцөгц суманд газар тариалангийн чиглэлээр үйл ажиллагаа эрхэлдэг С.Бекет тус сумын хөрс, цаг уур, усны онцлог шинж чанарыг шингээсэн амт чанар сайтай, химийн бордоогүй нутгийн чацаргана тариалдаг аж. Жилд 8 тонн орчим чацаргана хурааж авч үйлдвэрийн аргаар боловсруулж, зах зээлд нийлүүлж байгаа аж. 

УИХ-ын гишүүн Б.Бейсен чацаргана боловсруулж тос, шүүсийг нь ялгах төхөөрөмж шийдвэрлэж өгөхөө энэ үеээр илэрхийллээ. 

Тос шүүсийг нь ялгаж зах зээлд гаргавал хэдэн дахин илүү ашигтай байдаг, Чацарганыг бүрэн боловсруулбал 16 төрлийн бүтээгдэхүүн гарах боломжтой байдаг аж.

С.Бекет энэхүү талбайдаа төмс, лууван, нарийн ногоо, үхрийн нүд, шийгуа зэргийг тариалсан тухайгаа танилцууллаа. Чацаргана, бургас модны үрсэлгээ, суулгацыг зах зээлд нийлүүлдгээс гадна дөрвөлжлөн хуваасан жижиг талбайнуудад 1800 гаруй бургас модны үрсэлгээ, суулгац тариалжээ.

Сэтгүүлч

Сэтгүүлч Ц.Соёлмаа soyolmaa@vip76.mn