Тэрээр, 2016-2020 онд Баянгол дүүргийн засаг даргаар ажиллаж байх хугацаанд хар хорин захын гадаах гудамж талбайд жижиглэн худалдаа эрхлэгчдийн нөхцөл байдал тун хүнд байсан.

Иймд шийдэл гарцийг хайж БИЗНЕС ИНКУБАТОР төвийг санаачлан ашиглалтанд оруулснаас хойш 2 жилийн хугацаа өнгөрчээ. Саяхан Жижиглэн худалдаачидтай шийдвэрлэх өөр бусад асуудал, бэрхшээл юу байгаа талаар сонсохоор очиход бизнес эрхлэгчид бүчин авч угтан тохилог тухтай ажлын байраар хангасанд баярлаж талархсанаа илэрхийлж байлаа.

Энэхүү инкубатор төвийг байгуулахаас өмнө гадаа худалдаа наймаагаа эрхэлж байнга зөрчлийн хуулиар торгуулж, хөөгдөж, даарч хөрөн, эдийн засаг, эрүүл мэнд нь эрсдэлтэй байдалд байснаа хуучилж мөн одоогийн инкубатор төв нь түрээсийн төлбөр авдаггүй зөвхөн ашиглалт, харуул хамгаалалтын төлбөр төлдөг тухайгаа баяртайгаар ярьсан юм.

Баянгол дүүргийн иргэн, худалдаа эрхлэгч С.Мишиг хэлэхдээ одоо бидэнд ганцхан хүсэлт байна. Тэр нь #хөнгөлөлттэй_зээлэнд хамрагдах. Учир нь эдийн засгийн хүндрэлтэй энэ цаг хугацааг даван гарахад хөнгөлөлттэй зээл маш их шаардлагатай байгаа тухайгаа хэлж байсан юм. Өнөөдөр Инкубатор төвд 100 гаруй жижиглэн худалдаачид худалдаа наймаагаа эрхлэж байна. 100 хүний ажлын байр яригдаж байгаа боловч үүний цаана маш олон хүний амьдрал байгаа юм.

Эдийн засгийн хүндрэлтэй нөхцөлд иргэдийг ажилтай, орлоготой байлгахад хөдөлмөр эрхлэлт, ажлын байрыг бодлогоор дэмжиж, нэмэгдүүлэхэд төрийн бодлого шийдвэр одоо л чухал байна .

УИХ-ын гишүүн С.Одонтуяа, БГД-ийн "Бизнес инкубатор" төвийн жижиглэн худалдаачидтай уулзаж санал солилцлоо