ХОГ ХАЯГДЛЫН НЭГДСЭН ЦЭГТ 2000 ГАРУЙ МОД ТАРИХ, АРЧИЛЖ ТОРДОХ АЖЛЫГ ГҮЙЦЭТГЭЖ БАЙНА
БОАЖЯ-ны сайд, Орчны бохирдлыг бууруулах үндэсний хорооны дэд дарга, Орхон аймгийн Засаг даргатай байгуулсан 2022 оны 04 дүгээр сарын 15-ны өдрийн 06БҮХ/2022-35 тоот “Цагаан тоосонцор бууруулах, доройтсон ойг нөхөн сэргээж зориудаар ойжуулах ажилд дэмжлэг үзүүлэх ажлын гэрээний дагуу Орхон аймгийн Цагаан тоосжилтын эх үүсвэрийн бүс буюу өндөр тархалттай байршилд байрлах хог хаягдлын нэгдсэн цэгийн хөрсний доройтлыг бууруулах цагаан тоосжилтын эх үүсвэрийг багасгах, тархсан хог хаягдлыг хумих, зогсоох, далан байгуулах ажил дууссан бөгөөд нөхөн сэргээлт хийх, ногоон зурвас бий болгох, зориудаар ойжуулалт хийх ажлыг гүйцэтгэж байна.Уг ажлын хүрээнд Хотын хог хаягдлын нэгдсэн цэгт 2000 гаруй мод тарих, арчилж тордох ажлыг гүйцэтгэж байна.

АЯЛАЛ ЖУУЛЧЛАЛЫН САЛБАРЫН ЦАХИМ ХӨГЖИЛ, ЦАХИМ ШИЛЖИЛТИЙГ ТОДОРХОЙЛОХ ЗОРИЛГООР УУЛЗАЛТ, ХЭЛЭЛЦҮҮЛЭГ ӨРНҮҮЛЛЭЭ
Аялал жуулчлалын салбарын цахим хөгжил, цахим шилжилтийг тодорхойлох зорилгоор өнөөдөр тус салбарт үйл ажиллагаа явуулдаг аж ахуй нэгж, байгууллагын 20 гаруй төлөөлөлтэй БОАЖ-ын сайд Б.Бат-Эрдэнэ уулзаж, “Аялал жуулчлалын салбарыг сурталчлах, таниулахад орчин үеийн дэвшилтэт технологийг ашиглах нь”, “Аялал жуулчлалын салбарын инженерийн дэд бүтцийн оновчтой шийдэл, байгальд ээлтэй технологиуд”, Mongolian tours.mn технологийн шийдэл, “Аялал жуулчлалын салбарын цахим шилжилт”, “Хаягдал ус дахин цэвэршүүлэх”-Орон нутаг жуулчны баазуудад нэвтрүүлж буй шинэ технологийн танилцуулга”, “Аялал жуулчлалын салбар жилийн дөрвөн улирлын турш ажиллах боломж байна” зэрэг сэдвээр илтгэл танилцуулж, хэлэлцүүлэг өрнүүллээ.

БАЙГАЛЬ ОРЧИН, АЯЛАЛ ЖУУЛЧЛАЛЫН САЙД Б.БАТ-ЭРДЭНЭ ЕВРОПЫН СЭРГЭЭН БОСГОЛТ, ХӨГЖЛИЙН БАНКНЫ ЗАХИРЛУУДЫН ЗӨВЛӨЛИЙН ГИШҮҮДИЙГ ХҮЛЭЭН АВЧ УУЛЗЛАА
Талууд уулзалтаар Монгол улс ногоон эдийн засагт шилжихэд баримталж буй бодлого, Монгол улсын аялал жуулчлалын салбарын хөгжил, тулгамдаж буй асуудал болон төлөвлөгөө, Монгол улсын тогтвортой хөгжлийн арга зам, Алсын хараа 2050 зэрэг сэдвээр санал солилцож, дээрх асуудлуудад тус банкны зүгээс үзүүлэх дэмжлэг боломжийн талаар ярилцлаа. Европын сэргээн босголт, хөгжлийн банк (ЕСБХБ)-ны Швед, Исланд, Эстони Улсыг хариуцсан захирал хатагтай Эва Кассел сайдыг цаг зав гарган хүлээн авч уулзаж байгаад баяртай байгаагаа илэрхийлээд, энэхүү уулзалтад Европын сэргээн босголт, хөгжлийн банкны дэлхийн 31 улсыг хариуцсан захирлуудын зөвлөлийн 9 гишүүн байгааг уулзалтын эхэнд танилцуулав.

БОАЖЯ-ны “НЭГ ЦЭГИЙН МЭДЭЭЛЛИЙН ТӨВ”-Д БАЙГАЛЬ ОРЧНЫ ҮНЭЛГЭЭ АУДИТЫН ХЭЛТСИЙН ДАРГА Г.ЭНХМӨНХ АЖИЛЛАВ
Тус хэлтсийн эрхлэх асуудлын хүрээнд олгогдож байгаа мэргэжлийн байгууллагын гэрчилгээ, ерөнхий үнэлгээний материалыг бүрэн цахимаар хүлээн авч байгаа бөгөөд www.eic.mn мэдээллийн цахим баазыг үүсгэж иргэд, олон нийтэд нээлттэй болгов. 2021 онд “Мэргэжлийн зөвлөл”-ийн 37 удаагийн хуралдааныг цахимаар зохион байгуулж, 625 төслийн Байгаль орчны нөлөөллийн нарийвчилсан үнэлгээний тайланг хэлэлцүүлэн шийдвэрлэсэн. Мөн байгаль орчны нөлөөллийн ерөнхий үнэлгээний дүгнэлт гаргуулах явцыг бүрэн цахим болгож 750 төсөлд дүгнэлт гарган хүргүүлсэн байна.

2026 ОНД МОНГОЛ УЛСАД ЗОХИОН БАЙГУУЛАХ НҮБ-ЫН ЦӨЛЖИЛТТЭЙ ТЭМЦЭХ СУУРЬ КОНВЕНЦОД НЭГДЭН ОРСОН ТАЛУУДЫН 17 ДУГААР БАГА ХУРЛЫН АЖЛЫН ХЭСГИЙГ БОАЖ-ЫН САЙД АХАЛНА

НҮБ-ын Цөлжилттэй тэмцэх суурь конвенцод нэгдэн орсон талуудын 17 дугаар бага хурлыг 2026 онд Монгол Улсад зохион байгуулах ажлын хэсгийг байгаль орчин, аялал жуулчлалын сайдаар ахлуулан байгуулах шийдвэрийг Монгол Улсын Засгийн газраас гаргалаа.

БАЙГАЛЬ ОРЧИН, АЯЛАЛ ЖУУЛЧЛАЛЫН САЙДЫН ЗӨВЛӨЛИЙН ЭЭЛЖИТ ХУРАЛ БОЛЛОО
Энэ удаагийн хурлаар Монгол Улсын Ерөнхийлөгч У.Хүрэлсүхийн санаачилга “Тэрбум мод” үндэсний хөдөлгөөн түүнийг хэрэгжүүлэх стратеги төлөвлөгөө болон уул уурхайгаас үүдэлтэй газрын доройтол ба нөхөн сэргээлт, цөлжилт зэрэг үндсэн асуудлын хүрээнд сайдын зөвлөлд танилцуулга хийж, хэлэлцүүлэв.

ШилДЭГ 10 ОЮУТАНД БОАЖ-ыН САЙДЫН НЭРЭМЖИТ ТЭТГЭЛЭГ ГАРДУУЛЛАА
Аялал жуулчлалын мэргэжлийг сонгон амжилттай суралцаж буй оюутнуудын нийгмийн идэвх, оролцоог дээшлүүлэх, тэдний авьяас, чадвар, хүсэл сонирхлыг урамшуулан дэмжих, мэргэжлийг ур чадварыг нь хөгжүүлэх, өндөр оноотой төгсөгч нарыг тус мэргэжлээр элсүүлэх замаар шинэ элсэгчдийн чанарыг дээшлүүлэх зорилгоор сурлага, хариуцлага, манлайлал, мэргэжлийн өсөлт, хүсэл эрмэлзэлтэй оюутнуудыг шалгаруулж, шилдэг 10 оюутанд Байгаль орчин, аялал жуулчлалын сайдын нэрэмжит тэтгэлэг олгож, өнөөдөр буюу дэлхийн аялал жуулчлалын өдөр БОАЖ-ын сайд Б.Бат-Эрдэнэ гардууллаа.

ДЭЛХИЙН АЯЛАЛ ЖУУЛЧЛАЛЫН ӨДӨР ТОХИОВ
НҮБ-ын дэргэдэх Дэлхийн аялал жуулчлалын байгууллагаас санаачлан жил бүрийн есдүгээр сарын 27-ныг "Дэлхийн аялал жуулчлалын өдөр" болгон тэмдэглэдэг. Монгол Улс 1990 онд ДАЖБ-ын гишүүн болж, 2007 оноос хойш жил бүр тэмдэглэж байна. Энэ өдрийг тохиолдуулан БОАЖЯ, Нийслэлийн аялал жуулчлалын газар, Аялал жуулчлалын боловсрол, хөгжлийн нийгэмлэгтэй хамтран өнөөдөр жанжин Сүхбаатарын талбайд аялал жуулчлалын үзэсгэлэнг нээв.

БАЙГАЛЬ ОРЧИН, АЯЛАЛ ЖУУЛЧЛАЛЫН ЯАМНЫ ГАДНАХ ОРЧНЫГ ТОХИЖУУЛЛАА
БОАЖЯ-ны "НИЙТИЙН ЭЗЭМШЛИЙН ТАЛБАЙ"-г тохижуулах ажлыг "Монпеллетс" ХХК, "Империал кастел" ХХК, "Энх-Ялгуун" ХХК, "Монголын мод үржүүлэг, цэцэрлэгжүүлэлтийн мэргэжлийн байгууллагуудын холбоо", "УБТ Гарден" ХХК, "Үржих Үр" ХХК, "Инасус" ХХК-иуд хамтран нийгмийн хариуцлагын хүрээнд гүйцэтгэж хүлээлгэн өглөө.

ОРЧНЫ БОХИРДЛЫГ БУУРУУЛАХ ҮНДЭСНИЙ ХОРООНЫ ДАРГААР МУ-ын Сайд, ЗГХЭГ-ын дарга Д.АмАРБАЯСГАЛАН АЖИЛЛАЖ БАЙНА
Орчны бохирдлыг бууруулах үндэсний хорооны ажлыг хэсгийг МУ-ын сайд, ЗГХЭГ-ын дарга Д.Амарбаясгалан ахлан БОАЖ-ын сайд Б.Бат-Эрдэнэ дэд даргаар томилогдлоо. Ажлын хэсгийн ээлжит хуралдаан өчигдөр болж, ус, хөрс, орчны бохирдлын эсрэг авч хэрэгжүүлж байгаа арга хэмжээнүүдийн талаар мэдээлэл солилцов. Мөн орчны бохирдолд хамгийн том нөлөө үзүүлдэг автомашины баттерей түүнийг устгах үйлдвэр, модон жорлон, агаарын бохирдол зэрэг хүний эрүүл мэндэд сөргөөр нөлөөлж буй асуудлуудад шийдэл эрэлхийлж, ажлаа эрчимжүүлэхийг ОББҮХ-ны дарга Д. Амарбаясгалан холбогдох албаныханд үүрэг болголоо.

НЭГ ЦЭГИЙН ҮЙЛЧИЛГЭЭНИЙ ТӨВД УСНЫ БОДЛОГО ЗОХИЦУУЛАЛТЫН ГАЗРЫН ДАРГА Ц.УРАНЧИМЭГ АЖИЛЛАВ
БОАЖ-ын Сайд Б.Бат-Эрдэнэ БОАЖЯ-ны эрхлэх асуудлын хүрээнд иргэдэд мэдээлэл өгөх "Нэг цэгийн үйлчилгээний төв"-д газар, хэлтсийн дарга нарыг ээлжлэн ажиллах үүрэг өгсний дагуу тогтсон хуваарийн дагуу ажиллав.

“БАЙГАЛЬ ХАМГААЛАЛ БА АЯЛАЛ ЖУУЛЧЛАЛ” СЭДЭВТ СУРГАЛТ БОЛЛОО
Тусгай хамгаалалттай газар нутагт төсөл хэрэгжүүлж буй иргэн, аж ахуйн нэгж, байгууллагын ажилтнуудад нийтлэг мөрдөх дүрэм, журам, стандартын талаар мэдлэг олгох, байгаль орчны чиглэлээр мэргэшүүлэх сургалт өнөөдөр Богд хан уулын хамгаалалтын захиргаа, Байгаль Орчны судалгаа шинжилгээний төвд боллоо. Сургалтад Богд хан уулын дархан цаазат бүсэд аялал жуулчлалын чиглэлээр үйл ажиллагаа явуулж буй 40 гаруй иргэн аж ахуйн нэгж, байгууллагын төлөөллүүд хамрагдан оролцлоо.

“ТУУЛ ГОЛОО ЦЭВЭРЛЭЕ” САНААЧИЛГАД ЗУРГААН МЯНГА ГАРУЙ ЗАЛУУС НЭГДЛЭЭ
Байгаль орчин, аялал жуулчлалын яам, Туул голын сав газрын захиргаа, Дэвшилтэт Социал демократ клубээс санаачилсан “CLEAN UP-2” төслийн нээлтийн үйл ажиллагаа болох “ТУУЛ ГОЛОО ЦЭВЭРЛЭЕ”санаачилгад зургаан мянга гаруй залуус нэгдэж, 12 байршилд хуваагдан Туул голын сав дагуу Дунд гол, Бэлх гол, Улиастай гол, Зайсангийн гүүр, Маршлын гүүр, Баянзүрхийн гүүр орчимд цэвэрлэгээ хийлээ.

"TOURISM TECHNOLOGY AND INNOVATION” СУРГАЛТ, ӨДӨРЛӨГ БОЛЛОО
“Tourism technology and innovation” өдөрлөг нь аялал жуулчлалын үйлчилгээ технологийг сайжруулах, шинэлэг санаа, инновацыг нэвтрүүлэх талаар туршлага судлах, салбар дундын хамтрагчдын хамтын ажиллагааны цар хүрээг тэлэх, салбарын шинэ ололт, тулгарч буй сорилт бэрхшээлийг талаар харилцан мэдээлэл солилцох зорилготой юм.

БОАЖ-ЫН ДЭД САЙД Г.ТҮВДЭНДОРЖ ФИЛИППИН УЛСЫН МАНИЛА ХОТОД АзИЙН ХӨГЖЛИЙН БАНК (АХБ)-НЫ ЗҮҮН АЗИЙН ГАЗРЫН ТОГТВОРТОЙ ДЭД БҮТЦИЙН ХЭЛТСИЙН ЗАХИРАЛ СУЖАТА ГУПТАТАЙ УУЛЗАВ
Байгаль орчин, аялал жуулчлалын дэд сайд Г.Түвдэндорж, Ногоон хөгжлийн бодлого, төлөвлөлтийн газрын дарга Б.Буяннэмэх нар 2022 оны 09 дүгээр сарын 23-ний өдөр Филиппин улсын Манила хотод Азийн хөгжлийн банк (АХБ)-ны Зүүн Азийн газрын Тогтвортой дэд бүтцийн хэлтсийн захирал Сужата Гупта, Хот, нийгмийн салбарын хэлтсийн захирал Асиф Чима нартай уулзлаа.

ТӨРХУРАХЫН АЛХАЛТЫН ЗАМЫГ ОЛОН УЛСЫН ЖИШИГТ ХҮРГЭХЭЭР АЖИЛЛАЖ БАЙГАА THE ICCF GROUP ТӨЛӨӨЛӨГЧИДТЭЙ УУЛЗЛАА
Цаашид төлөвлөлтийн дагуу автомашин зам, зогсоол, алхалт, дугуйн зам, ариун цэврийн байгууламж, хогийн цэг, амралтын хэсгүүд зэрэг цогц бүтээн байгуулалт хийгдэх юм.

АЯЛАЛ ЖУУЛЧЛАЛЫН САЛБАРЫН МЭРГЭЖИЛ СУРГАЛТ, ҮЙЛДВЭРЛЭЛИЙН ТӨВИЙН БАРИЛГЫН АЖИЛ ЭХЭЛЛЭЭ
Энэхүү бүтээн байгуулалтын төслийн ажил 2020 оны тавдугаар сард яриа хэлэлцээрийн протоколд гарын үсэг зурснаар эхэлсэн бол өнөөдөр төслийн барилгын ажил эхэллээ. ХУД-ийн 4-р хороо Арцатын аманд баригдаж буй уг төсөл нь БНСУ-ын аялал жуулчлалын төрийн өмчит корпорацын 100 хувийн буцалтгүй тусламжаар хийгдэж байна.

"НЭГ ЦЭГИЙН ҮЙЛЧИЛГЭЭНИЙ ЦЭГ"-Т ТУСГАЙ ХАМГААЛАЛТТАЙ БҮС НУТГИЙН УДИРДЛАГЫН ГАЗРЫН ДАРГА Д.БАТМӨНХ АЖИЛЛАВ
БОАЖЯ-д ирж буй өргөдөл, хүсэлтийн 80 орчим хувь нь газар ашиглахтай холбоотой байдаг бөгөөд 4 дүгээр сараас хойш газрын маргаантай асуудлыг шийдвэрлэх 150 гаруй тушаал шийдвэр гарч асуудлыг хуулийн хугацаанд шийдвэрлээд байна.

МОНГОЛ УЛСЫН ЗАСГИЙН ГАЗРЫН 2021 ОНЫ “ЖУРАМ БАТЛАХ ТУХАЙ” 192 ДУГААР ТОГТООЛЫН ХЭРЭГЖИЛТИЙГ ХАНГАХ ХҮРЭЭНД ӨМНӨГОВЬ АЙМГИЙН ХИЛ ОРЧИМД АЖИЛЛАЛАА
Байгаль орчин, аялал жуулчлалын сайдын 2022 оны 9 дүгээр сарын 20-ны өдрийн А/384 тоот тушаалаар байгуулагдсан ажлын хэсэг Монгол Улсын Засгийн газрын 2021 оны “Журам батлах тухай” 192 дугаар тогтоолын хэрэгжилтийг хангах хүрээнд Өмнөговь аймгийн хил орчимд ажиллалаа. БОАЖЯ, ГИХГ, ТЕГ, ХХЕГ-аас хамтарсан ажлын хэсэг хил орчмын аялал жуулчлалын хөтөлбөрийг боловсруулах, зөвшөөрөгдөх маршрутыг газар дээр нь үзэн судлах зорилгоор Өмнөговь аймаг дахь Гашуунсухайт, Шивээ хүрэн боомтод ажиллаж байна.

ОЛОН УЛСЫН АХМАДЫН БАЯРЫН ӨДӨР ТОХИОЛОО
Олон улсын ахмадын баярын өдрийг тохиолдуулан БОАЖ-ын сайд Б.Бат-Эрдэнэ БОАЖЯ-наас өндөр насны тэтгэвэртээ суусан ахмадуудаа хүлээн авч уулзан хүндэтгэл үзүүллээ.

“БОГДХАН УУЛАА ЦЭВЭРЛЭЕ”АЯНД ТАВАН МЯНГА ГАРУЙ ОЮУТАН, ЗАЛУУС НЭГДЛЭЭ
Дэвшилтэт Социал Демократ клубийн санаачилга “CleanUP 2 “төсөлд Монголын Үндэсний Их сургууль, Дотоод хэргийн их сургуулиуд нэгдэж, нийгмийн хариуцлагын хүрээнд Богдхан Уулаа цэвэрлэх аянд 5 мянга гаруй оюутан, залуус оролцов. ”Богдхан уулаа цэвэрлэе” санаачилгад БОАЖЯ, түүний харьяа байгууллага Богдхан уулын хамгаалалтын захиргаа нэгдэн дэмжлэг үзүүлэн хамтран ажиллаж байна. Аяны хүрээнд Богдхан уулын дугуй цагаан орчим, Чингистэй уул, Зайсан толгой, Хийморийн овоо, Уулын зам зэрэг таван байршилд цэвэрлэгээ хийлээ.

НАМРЫН МОД ТАРИХ АЖЛЫГ ЭХЛҮҮЛЛЭЭ
Жил бүрийн тав, 10 дугаар сард “Бүх нийтээр мод тарих өдөр”-өөр байгууллага, аж ахуйн нэгж, иргэд мод тарьдаг уламжлалтай. Энэ жилийн хувьд тус өдрийг “Тэрбум мод” үндэсний хөдөлгөөний хүрээнд “Байгаль орчны сайд нарын төгөл” байгуулах санаачилгаар эхлүүллээ. Энэ өдөр Горхи-Тэрэлжийн байгалийн цогцолборт газар”-ын дугуй бургас орчимд Отгонтэнгэр их сургуулийн оюутан, залуус, багш, ажилчид болон БОАЖЯ-ны хамт олон улиас, халиас, шинэс зэрэг 10 төрлийн дөрвөн мянга гаруй мод тарилаа. БОАЖ-ын сайд Бат-Эрдэнэ, БОАЖ-ын сайд асан Д.Оюунхорол нар намрын мод тарилтын нээлтэд оролцож, Отгонтэнгэр их сургуулийн оюутан, залуустай хамт “Байгаль орчны сайд нарын төгөл”-д мод тарьсан юм.

УДИРДАХ АЖИЛТНЫ ЗӨВЛӨГӨӨН БОЛЛОО
Байгаль орчин, аялал жуулчлалын яам болон түүний харьяа сав газар, хамгаалалтын захиргаадын нийт удирдах ажилтны зөвлөгөөн Хустайн байгалийн цогцолборт газрын хамгаалалтын захиргаанд боллоо. Зөвлөгөөнөөр цаашид байгаль орчин, аялал жуулчлалын чиглэлээр баримтлах бодлого, чиглэл, анхаарах асуудлууд, харьяа газруудын хяналт, шинжилгээний дүн, БОАЖЯ-ны Ой, Ус, Уур амьсгалын өөрчлөлт, Хүрээлэн буй орчин зэрэг үндсэн бодлогын газрууд чиглэл бүрээр танилцуулга хүргэж, БОАЖ-ын сайд харьяа газрын дарга нартай хариуцлагын гэрээ үзэглэв. Байгаль орчин, аялал жуулчлалын яам.

ТАНИЛЦ: Байгаль орчин, аялал жуулчлалын яам энэ долоо хоногт