Монгол Улсын Ерөнхий сайд Л. Оюун-Эрдэнэ Канад улсын Парламентын Сенатын дарга Эрхэмсэг ноён Жорж Ж.Фюритэй уулзаж, хоёр орны цаашдын хамтын ажиллагаа болон Монгол дахь хөрөнгө оруулалтын орчныг сайжруулах чиглэлд санал солилцлоо.

Монгол Улстай найрсаг харилцаатай ардчиллыг хөгжүүлж буй орнуудаас Канад улс нь хамгийн том хөрөнгө оруулагч, найдвартай түнш гэдгийг онцлон дурдаж ялангуяа ХАА, аялал жуулчлалын чиглэлд шинэ хөрөнгө оруулалт татах талаар ярилцаж тодорхой саналуудыг дэвшүүллээ.

Дэлхийд дөрөвт орох Оюутолгой уурхайн төсөл нь манай хоёр улсын хувьд хөрөнгө оруулалтын томоохон хамтын ажиллагаа, бусад улс орнуудад жишиг болохуйц туршлага юм.

Канадын төлөөлөгчдийн зүгээс Монгол Улсын Ерөнхий сайдтай ижил байр суурьтай байгаагаа илэрхийлж, бүх талаар дэмжин ажиллахаа илэрхийллээ. Ирэх жил манай хоёр улсын дипломат харилцаа тогтоосны 50 жилийн ой тохиож буй.

Монгол- Канадын Парламентын бүлгийн даргын хувиар хоёр улсын харилцааны асуудлуудад идэвхийлэн ажиллаж ирсэн бөгөөд дээрх ажлуудыг бодитоор хэрэгжүүлэхэд хичээнгүйлэн ажиллах болно.