УИХ-ын Хянан шалгах түр хорооны /2022.10.25/ өдрийн хуралдаанаар Хянан шалгах түр хорооны төсөв болон түүнтэй холбоотой бусад асуудлыг хэлэлцлээ.

Хэлэлцсэн асуудалтай холбоотой гишүүд өөрсдийн байр сууриа илэрхийллээ.

УИХ-ын гишүүн Б.Бейсен:

Жолооч нарын нийгмийн асуудал хүнд байна. 6 метр хашаанд орчихсон 8 сарын цалингаа аваагүй, амрах өрөө зэрэгт анхаарал хандуулах хэрэгтэй. Нөгөө талаар Писиар шинжилгээний асуудал байна. Аймгийн эрүүл мэндийн газар, Зоонозын газрын төсөвт хүртэл нөлөөтэй. Гэтэл халдварт өвчин, хяналт шалгалтын хуулийг ноцтой зөрчиж БНХАУ-аас орж ирсэн компани 64 сая төгрөгний аппаратаар өөрсдөө шинжилгээ хийгээд өдөрт 9 сая 240 мянга, сард 277 сая 200 мянга, жилд 3 тэрбум 326 сая гарч байна. 140 жолоочоор бодоход. Үүнд аймгийн удирдлагууд анхаарах шаардлагатай.

БНХАУ-ын телевизээр Хятадын коммунист намын Их хурлаа угтаад 2.1 сая тонн нүүрс оруулж хоёр тэрбум 125 сая юанийн ашигтай ажиллалаа. Төлөвлөгөөгөө хоёр сар 18 хоногийн өмнө биелүүллээ гэж ярьж байна. Үүнийг хууль хяналтын байгууллагаар шалгуулах нь зөв байх.

Цагааннуурын чөлөөт бүстэй холбоотой бензиний үнэ баруун аймгуудад хотоос үнэтэй байна. Шатахуун түгээх станцад бууж байгаа үнэ нь АИ-92 2350 төгрөг. Гэтэл дээр нь дахин үнэ нэмж зарж байгаа асуудлыг анхаарах шаардлагатай. Үүнд хяналт тавьж холбогдох байгууллагууд анхаарч ажиллах хэрэгтэй байгаа юм.