Баянгол дүүргийн 11-р хороонд байрлах Ерөнхий боловсролын лаборатори 28-р сургуулийн 960 суудалтай шинээр баригдах сургуулийн шавыг тавилаа.

Анх 1964 онд 640 хүүхдийн суудалтайгаар баригдсан тус сургууль өдгөө 58 жилийг үзэж, цаашид сургуулийн зориулалтаар ашиглахад бэрх болсон тул 2022 оны Улсын төсөвт шинээр барихаар суурилуулж, барилгын ажил эхэлсэн юм.

Тус сургуульд нийт 3,100 орчим сурагчид сурдаг.

Энэхүү ажил УИХ-ын гишүүн Х.Ганхуягийн санаачилга, дэмжлэгтэйгээр хэрэгжиж байгаа билээ. 28-р сургууль хичээлийн шинэ байртай болсноор хүүхдүүд ая тухтай орчинд сурах таатай нөхцөл бүрдэнэ.