Улсын Их Хурлын Аюулгүй байдал, гадаад бодлогын байнгын хорооны өнөөдрийн (2022.11.08) хуралдаан 11 цаг 45 минутад эхэлж, хоёр асуудал хэлэлцэн шийдвэрлэв.

Хуралдааны эхэнд Байнгын хорооны дарга Б.Энх-Амгалан хэлэлцэх асуудлын дарааллыг танилцуулсны дараа Засгийн газраас 2022 оны 10 дугаар сарын 12-ны өдөр өргөн мэдүүлсэн, Улсын Их Хурлын тогтоолын төслийн хэлэлцэх эсэхийг хаалттай хэлэлцлээ.

Дараа нь “Монгол Улсын Их Хурлын 2022 оны намрын ээлжит чуулганы 11 дүгээр сард Аюулгүй байдал, гадаад бодлогын байнгын хорооны хэлэлцэх асуудлын цаглавар батлах тухай” тогтоолын төслийг хэлэлцсэн.

Тогтоолын төсөлтэй холбогдуулан асуулт асууж, санал хэлэх гишүүн байсангүй. Иймд Байнгын хорооны тогтоолын төслийг батлахыг хуралдаанд оролцсон гишүүдийн олонх дэмжлээ.

Байнгын хороо 11 дүгээр сард "Даян дэлхийн ногоон хөгжлийн институтын эрх зүйн статус, эрх ямба, дархан эрхийн тухай Монгол Улсын Засгийн газар болон Даян дэлхийн ногоон хөгжлийн институт хоорондын хэлэлцээр"-ийн төслийг зөвшилцөх, "Ажлын хэсэг байгуулах тухай" тогтоолын төсөл, Байнгын хорооны эрхлэх асуудлын хүрээнд холбогдох байгууллагын тайлан, мэдээллийг сонсох зэрэг асуудлыг хэлэлцэхээр төлөвлөжээ

Байнгын хорооны тогтоолын төслийг батлав

Байнгын хорооны тогтоолын төслийг батлав