Хөдөлмөр, нийгмийн түншлэлийн гурван талт Үндэсний хорооны ээлжит хуралдаан болж ирэх оны төсөвт төрийн албан хаагдын цалин хөлсийг нэмэгдүүлэх тухай асуудлыг хэлэлцлээ. 

Өнгөрөгч 11 дүгээр сарын 04-ны өдөр болсон Хөдөлмөр, нийгмийн түншлэлийн гурван талт Үндэсний хорооны ээлжит бус хуралдаанаар хэлэлцсэн асуудлын үргэлжлэлийг энэхүү хурлаар хэлэлцсэн юм.

Тодруулбал өмнөх хурлаас хойш Монгол Улсын нэгдсэн төсөв 2022 оны 11 сарын 11-ний өдөр УИХ-ын чуулганаар батлагдсантай холбогдуулан түншлэгч талууд ХНХЯ, Сангийн яамнаас өгсөн мэдээллийн хүрээнд санал солилцож, төрийн албан хаагчдын цалин хөлсийг 2023 онд нэмэгдүүлэх журамд оруулах өөрчлөлтийн талаар саналаа дахин хүргүүлэхээр тогтсон юм.

Хурлаар МҮЭ ийн гаргасан саналыг талууд дэмжиж 2023 оны нэгдүгээр сарын 1-нээс эхлэн төрийн албан хаагчдын цалинг нэмэгдүүлэх саналыг Засгийн Газрын хуралдаанд оруулахаар мөн холбогдох салбарын яамдад нийгмийн түншлэлийг бэхжүүлэх чиглэлээр талуудтайгаа хамтарч ажиллах чиглэлийг өгч, МҮЭ-ийн жагсаалын “Шаардлага”-ын хариуг ойрын хугацаанд өгөхөөр боллоо.