Барилгын политехник коллежийн суралцагч О.Наранбаатар “Medallion for excellence” шагнал хүртлээ
2022.11.30

Барилгын политехник коллежийн суралцагч О.Наранбаатар “Medallion for excellence” шагнал хүртлээ

“Дэлхийн ур чадвар-2022” 46 дахь удаагийн тэмцээнээс өрөг угсралтын мэргэжлээр Монгол Улсаа төлөөлөн оролцсон Барилгын политехник коллежийн суралцагч О.Наранбаатар дэлхийн стандарт хангасан сайн гүйцэтгэлтэй буюу “Medallion for excellence” шагнал хүртлээ.

Энэ мэргэжлээр Герман, Хятад, Швейцар улс алтан медаль хүртсэн. Тэмцээнд нийт 19 орны оролцогчид ур чадвараараа өрсөлдсөн байна. Эксперт багшаар Барилгын политехник коллежийн багш Л.Эрдэнэчулуун ажиллажээ. Манай О.Наранбаатар нь өрөг угсрагч, угсралтын техникч мэргэжилтэй. Мөн зургийн техникч мэргэжлээр суралцаж байгаа чадварлаг мэргэжилтэн юм.

Мөн цахилгааны мэргэжлээр Налайх политехник коллежийн суралцагч А.Шинэхүү 680 оноо авч өмнөх тэмцээний оролцогчдын амжилтыг ахиуллаа. “Дэлхийн ур чадвар-2022” тэмцээнд Монголын баг нийт 7 төрөлд оролцсон.

Тэмцээнд амжилттай оролцсон нийт баг, оролцогчид, багш нартаа талархал илэрхийлж, баяр хүргэе.