УИХ-ын чуулганы өнөөдрийн \2022.12.02\ нэгдсэн хуралдаанаар Улсын дээд шүүхийн шүүгчид нэр дэвшигчтэй танилцах асуудлыг хэлэлцлээ. 

 Хэлэлцэж буй асуудалтай холбогдуулан гишүүд асуулт асууж, байр сууриа илэрхийлэв.

УИХ-ын гишүүн Б.Бат-Эрдэнэ:

Орж ирж байгаа шүүгч нар ном журмынхаа дагуу сонгон шалгаруулалт юмандаа орсон улсууд байлгүй. Хамгийн гол нь хуулийн салбарт боловсон хүчин бэлтгэж байгаа Их, Дээд сургуулиудтайгаа хэрхэн ажиллаж байна вэ?

Хуучин тогтолцооны үед, Нийгмийн аюулаас хамгаалах яамны боловсон хүчнийг шилж сонгох ажил чинь ЕБС-аас н шилж сонгож, цаашлаад удам угшлаар нь сонгодог байсан. Асуудлыг уг үндсээр нь авч үзэхгүй хэрэгтэй байна. Бид шүүхийн асуудалд хөндлөнгөөс оролцохгүйгээр бүрэн итгэсээр явж ирсэн. сүүлд нь асуудалд нь орж байгаа нь хэрээс хэтэрлээ шүү дээ. Хулгай, дээрэм, зохион байгуулалттайгаар хувийн өмчийн компанийн лиценз, зөвшөөрлийг дээрэмдсэн тухай асуудал яригдаад байна. Засгийн газар нийгэмд шударга ёсны хувьсгал хийнэ гээд олон асуудлыг гаргаж тавиад байдаг. Харин энэ нь шүүхийн шатандаа замхарчихдаг.

Зарим нь арваад жил хүртэлх хугацаагаар сунжирдаг. Тэгээд шүүхийн шийдвэр нь гарахдаа ашиг сонирхлын зөрчилтэй шийдвэр гардаг олон жишээ байна. Тухайлбал, Эрдэнэтийн 49%, ЖДҮ, Хөгжлийн банк, Нүүрсний асуудал гэх зэрэг асуудлыг дурдаж байна. Хууль, шүүхийн байгууллагад ажиллаж байгаа иргэд, ашиг, сонирхлоос ангид, тансаг хэрэглээнээс ангид, төрд өргөсөн тангарагтаа үнэнчээр ажиллах ёстой гэж ойлгодог. Харин нийгэм ингэж ойлгодоггүй юм билээ. Эдгээр хүмүүсийн танилцуулга дээр хөрөнгө орлогын тухай мэдүүлэг огт байхгүй байна. Хөрөнгө орлого нь байна уу?

Түүний асуултад ажлын хэсгийн гишүүд хариуллаа.