“Улс орныг дэмжих 7 дахь хөтөлбөр”-ийн хүрээнд НҮБ-ын Хүн амын сангаас төрийн 10 байгууллагатай хамтран сэргийлж болох эхийн эндэгдлийг тэглэх, гэр бүл төлөвлөлтийн хангагдаагүй хэрэгцээг тэглэх, хорт зуршил болон жендерт суурилсан хүчирхийлэл, тэр дундаа хүүхдийн хүчирхийлэл, эрт болон албадан гэрлэлтийг тэглэх гэсэн гурван зорилтод хүрч ажиллахаар төлөвлөсөн билээ.

Энэ хүрээнд НҮБ-ын Хүн амын сантай гэрээнд гарын үсэг зурж ирэх таван жилийн хамтын ажиллагаагаа баталгаажуулах ёслолын арга хэмжээ /2022.12.15/ Гадаад харилцааны яаманд боллоо.

Ёслолын арга хэмжээг Гадаад харилцааны яамны Олон талт Хамтын ажиллагааны газрын дэд захирал П.Баасанхүү, ХЭҮК-ын дарга Ж.Хунан, НҮБ-ын Суурин зохицуулагч Тапан Мишра, НҮБ-ын Хүн амын сангийн Тэргүүн Халид Шарифи болон бусад холбогдох албаны хүмүүс оролцлоо.

Монгол Улсын Хүний эрхийн Үндэсний Комисс нь НҮБ-ын Хүн амын сангийн “Улс орныг дэмжих 7 дахь хөтөлбөр”-ийн хүрээнд бэлгийн болон нөхөн үржихүйн эрүүл мэнд, эрхийн чиглэлээр төсөл хөтөлбөр хэрэгжүүлэх юм.

НҮБ-ын Хүн амын сантай хамтарч бэлгийн болон нөхөн үржихүйн эрүүл мэнд, эрхийн чиглэлд төсөл хэрэгжүүлнэ