Тус хуралд дүүргийн Засаг дарга Н.Алтаншагай, Засаг даргын орлогч Д.Ундармаа, ЗДТГ-ын дарга Д.Төмөрбаатар болон дотоод хэлтэс, алба, төв, тасгуудын удирдлагууд, албан хаагчид оролцлоо.

Энэ үеэр хэлтэс, алба, төв, тасгуудын удирдлагууд нэгжийн 2022 оны жилийн эцсийн тайланг танилцуулсан.

Мөн дүүргийн удирдлагууд болон албан хаагчдын хамтаар  2022 онд хийж хэрэгжүүлсэн ажлаа дүгнэн, ололт амжилтаа ярилцлаа.

Засаг дарга Н.Алтаншагай: Манай дүүргийн хувьд 2022 он ололт амжилтаар дүүрэн жил болж өнгөрч байна. ЗДТГ-ын баг хамт олон дүүргийн хөгжил цэцэглэлт, иргэдэд ээлтэй бодлого шийдвэрүүдийг гаргахын тулд ажлаас хойш суулгүй, эрчтэй, хурдтай ажилласанд талархал илэрхийлье. Ирэх 2023 он бидний өмнө олон төлөвлөсөн ажил байна. Нэг баг, нэг сэтгэлээр төрийн ажлыг эрчимжүүлэн иргэдийн төлөө бодлого шийдвэр гарган ажиллахыг хүсье" гэв.

Хурлын төгсгөлд дүүргийн удирдлагууд 2022 онд  үр бүтээлтэй ажилласан тэргүүний хэлтэс, албан хаагчдад шагнал гардуулсан юм.

Сонгинохайрхан дүүргийн  ЗДТГ-ын тэргүүний хэлтэс:

Нийгмийн хөгжлийн хэлтэс

Тэргүүний төрийн захиргааны албан хаагч:

Төлөвлөлт, гүйцэтгэлийн удирдлагын хэлтсийн мэргэжилтэн Д.Мөнгөндалай

Тэргүүний төрийн үйлчилгээний албан хаагч:

Аж ахуйн тасгийн жолооч Б.Энх-Амгалан нар тус, тус тодорлоо.