Нийтийн эзэмшлийн гудамж талбай, авто замуудад үүссэн халтиргаа гулгааг арилгах чиглэлээр нийслэл, дүүргийн удирдлагуудаас өгсөн үүрэг даалгаврыг хэрэгжүүлэх ажлын хүрээнд  Сонгинохайрхан дүүргийн хэмжээнд цас мөсний цэвэрлэгээг 01 дүгээр сарын 3,4-ний өдрүүдэд хийжээ. 

Үүнд зам цэвэрлэгээний 4 байгууллага тусгай зориулалтын давс бодис цацагч 4 автомашин, 2 автогрейдр, 2 ковш трактор, 51 хүний бүрэлдэхүүнтэйгээр 22,4 тн давс, 2 тн бодис цацах ажлыг хийж гүйцэтгэсэн байна.

Түүнчлэн нийтийн эзэмшлийн зам талбайд 4 байгууллагын 139 зам талбайн үйлчлэгч 91,530 мкв явган замын цас мөс, 622,750 мкв авто замын нуухны цас, мөсийг цэвэрлэв.

Мөн 2023 оны 1 сарын 4-ний өдрийн байдлаар зам цэвэрлэгээний 4 байгууллагад 264,1 тн давс, 5 тн бодис, 40 тн хайрга дайрганы нөөцтэй байна.