ШУТИС-ийн оюутнууд АНУ-д шилжин суралцах хөтөлбөрийг зарлалаа.

Боловсрол, шинжлэх ухааны сайд Л.Энх-Амгалан АНУ-ын хэд хэдэн сургуульд хөнгөлөлттэй үнээр суралцах боломжийг бүрдүүлж, 2021 онд санамж бичиг байгуулсан юм. Энэ сургуулиудын нэг нь Жорж Мейсоны их сургууль юм. Санамж бичгийн хүрээнд ШУТИС тус сургуультай хамтын ажиллагаа эхлүүлсэн.

Жорж Мэйсоны их сургууль Виржиниа мужийн хамгийн том судалгааны их сургууль юм. Нийслэл Вашигтон хотод ойр байрладаг бөгөөд АНУ-ын 50 муж, дэлхийн 130 улсаас ирсэн 38 мянган оюутантай. Өнгөрсөн хагас зуун жилийн хугацаанд хурдацтай хөгжиж, инновац, энтрепренёр, олон талт, хүртээмжтэй байдлын төлөө тууштай ажилладаг гэдгээрээ хүлээн зөвшөөрөгдсөн.

Уг хөтөлбөрт ШУТИС-ийн оюутнууд онлайнаар буюу https://www.gmu.edu/admissions-aid/apply-now холбоосоор бүртгүүлэх боломжтой.

Хөтөлбөрт хамрагдах оюутнууд сургалтын төлбөр, байр, амьжиргааны бүх зардлаа хариуцна. Төлбөрийн мэдээлэл: Click for Transfer Costs and Information

Оюутнууд дүнгийн хуудас болон шаардлагатай бусад бичиг баримтыг сургуулиасаа гаргаж өгнө.

30-аас доош кредит судалсан оюутнууд БДБГэрчилгээ болон бусад бичиг баримтыг өгнө.

Англи хэлний мэдлэгийн түвшин: TOEFL iBT - 80 ба дээш. Хэсэг бүрт 18-аас доошгүй оноотой байх (Волгенаугийн инженерийн сургуулийн оюутнуудад хамаарахгүй). Тестийн код: 5827. IELTS - 6.5 ба дээш. Дэд хэсэг бүрт 6.0-аас доошгүй оноо авсан байх.

Бүртгэл 2023 оны 4 дүгээр сарын 1-нийг дуустал үргэлжилнэ.

Жорж Мейсоны сургуулийн бакалаврын түвшинд шилжин суралцах хөтөлбөр зарлалаа