УИХ-ын гишүүн Ц.Идэрбатын “Эргэх холбоо 63” иргэдээ сонсох хөтөлбөр үргэлжилж байна.

Тэрээр ИТХ-ын дарга Г.Хэрлэнчулуун, УИХ-ын гишүүн, Монгол улсын Ерөнхий сайдын Л.Оюун-Эрдэнийн зөвлөх Ш.Шижир-Эрдэнэ нарын хамт Норовлин сумын 60 гаруй иргэдтэй уулзаж, УИХ-ын 2022 оны намрын чуулганаар батлагдсан хуулиуд, Засгийн газрын онцлог ажлуудын талаар мэдээлэл хүргэж, тэдний санал хүсэлтийг сонслоо.

Сумын иргэдийг төлөөлж Д.Батбаяр: Онон голоос суваг татаж Улз голын урсацыг сайжруулах төсөл, Газрын багц хуулийн төсөлтэй холбогдуулан Хадлан бэлчээрийн ашиглалт, бэлтгэлтэй холбоотой асуудлаар, Суманд баригдсан халуун усны газрын ашиглалт, сумаа төлөөлөн аймгийн ИТХ-д сонгогдсон төлөөлөгч, Сумын Засаг даргын чөлөө, томилолттой холбоотой асуулт асуулаа.

Тэрбээр мөн Онон багийг найдвартай эрчим хүчээр хангах, Баян-Өлзийт багийг үүрэн холбооны сүлжээнд холбох, Онон баг гал түймрийн эрсдэлийн бүс нутаг учраас гамшгаас сэргийлэх ойн нөхөрлөлүүд, бүлгүүдийг идэвхжүүлэх зорилгоор гал түймрээс сэргийлэх, унтраах үлээгч аппарат, багажаар хангах хэрэгтэй байна. Хэнтий аймаг газар тариалангийн бүс нутаг, багагүй ургац авдаг учраас аймгийн хэмжээнд гурил тэжээлийн үйлдвэр байгуулах боломжийн талаар санал хэллээ.

Харин Норовлин сумын ЭМТ-ийн эрхлэгч Ариунзул сумын эмнэлгийн барилгын ажлын талаар, цэвэр бохир усны байгууламжийн ажил, Ахмад багш Даваасүрэн Эрүүл мэндийн даатгалын нөхөн олговрын талаар тодрууллаа.

Одоогоос 4 жилийн өмнө Дорнод аймагт Улз голын урсацыг нэмэгдүүлэх "Онон-Улз" төслийг хэрэгжүүлж эхлэхээр ярьж Номхон далайд цутгадаг Онон голоос суваг татан Улз голын урсацыг нэмэгдүүлснээр дэлхийн дулаарал, хүний хүчин зүйлсийн нөлөөллөөр жил ирэх бүр багасч байгаа Улз голын урсацыг тэтгэн нэмэгдүүлэх талаар яригдсан ч ажил хэрэг болоогүй юм. Харин Онон Улз голын сав газрын захиргааны байршлын талаар БОАЖ-ын сайдад УИХ-ын гишүүдээс хандсан талаараа хариулт өглөө.

Гурилын үйлдвэр барих талаар аймгийн Засаг даргаар ажиллаж байхдаа үндэсний үйлдвэрлэгчидтэй уулзаж судалхад 30 мянган тонноос дээш буудай хураан авахад боломжтой гэсэн хариу өгсөн. Технологийн дэвшилтэт үйлдвэр барихад манай авч байгаа буудайн хэмжээ арай хүрэхгүй байгаа. Тариалалтын талбайгаа нэмэгдүүлснээр боломж бүрдэх талаар хэллээ.

Уулзалтад оролцсон иргэдэд сумдад тулгарч буй бэрхшээл, цалин, тэтгэвэр тэтгэмж, ХӨАА-н асуудлаар мөн мэдээлэл хүргэж иргэн Алтайхүүгийн өргөдлийг хүлээн авахаар боллоо. Аймгийн ИТХ-ын дарга Г.Хэрлэнчулуун орон нутагтай холбоотой асуултад хариулт өглөө.

Норовлин суманд 2022 онд улсын төсвийн санхүүжилтээр эхлүүлсэн усан хангамж ариутгах татуурга, цэвэрлэх байгууламж, инженерийн шугам сүлжээний ажил, шинэ суурьшлын бүсийг эрчим хүчинд холбох, 2020, 2021 онд эхлүүлсэн “Шихихутаг-Нууц товчоо” аялал жуулчлалын цогцолбор, 400 суудалтай соёлын төвийн барилгын ажил энэ онд ашиглалтад орно.

Ингэснээр сумын халуун усны газар ажиллана. Мөн Өндөрхаан-Норовлин чиглэлийн авто зам 2022 оноос эхлэн амжилттай үргэлжилж байна.

“Эргэх холбоо 63” хөтөлбөр Норовлин суманд үргэлжиллээ

“Эргэх холбоо 63” хөтөлбөр Норовлин суманд үргэлжиллээ