Хайрхны дээд, дунд, доод овоо болон зам дагуух хог хаягдлыг түүж цэвэрлэн 6 шуудай хог хаягдлыг зөөвөрлөн буулгав.

Билгийн тооллын хаврын тэргүүн сар шинийн баярын өдрүүд буюу 2023 оны 02-р сарын 23-28-ны өдрүүдэд Бурхан Халдун хайрханы чиглэлд зорчигчдод Бурхан Халдун уул, түүнийг хүрээлсэн тахилгат газар нутгийн хамгаалалтын захиргааны байгаль хамгаалагчидтай хамтран Төв аймгийн Мөнгөнморьт сумын нутаг Цагаан арал, Хойд Хориудын байгаль хамгаалагчийн хяналтын пост, Бурхан Халдун хайрхны Доод овоо зэрэг газруудаар хяналт тавьж ажиллалаа.

Эдгээр өдрүүдэд давхардсан тоогоор 310 автомашин 1550 орчим иргэн хяналтын постоор бүртгүүлэн Бурхан Халдун хайрханд бараалхсан бөгөөд зорчигчдод хамгаалалтын горим дэглэмийг танилцуулж ажиллалаа.

Хайрханы дээд, дунд, доод овоо болон зам дагуух хог хаягдлыг түүж цэвэрлэн 6 шуудай хог хаягдлыг зөөвөрлөн буулгав.

Сар шинийн өдрүүдэд олон нийтийн сүлжээгээр тархсан мэдээлэл, зураг нь нь олон жилийн өмнөх нөхцөл байдал бөгөөд сүүлийн үед аялагчдын хандлага эерэгээр өөрчлөгдөх болсон нь харагдаж байна.