Сонгинохайрхан нэгдсэн эмнэлгийн ажилчдын хүүхдүүдийн 148 дугаар цэцэрлэгийн салбар “Бяцхан Доктор” бүлэг албан ёсоор үйл ажиллагаагаа эхлүүлж бяцхан сурагчдаа хүлээн аваад байна.

Тус эмнэлэгийн ажилчдын хүүхдүүдэд зориулсан цэцэрлэгийг байгуулахдаа хуучин байрны захиргааны хэсэг буюу нэг давхрын баруун жигүүрийн агааржуулалтыг бүрэн шийдэж тохижилт, засвар шинэчлэлтийг хийсэн. Тус цэцэрлэг нь 50 хүүхдийн багтаамжтай бөгөөд улсын төсвийн хөрөнгө оруулалтаар 2022 оны есдүгээр сард барилгын ажлыг эхлүүлж байсан бол ийнхүү нээлтээ хийлээ.

Сонгинохайрхан дүүргийн нэгдсэн эмнэлэг нь 460 гаруй ажилтантай бөгөөд 70 гаруй хувийг залуу боловсон хүчнүүд эзэлдэг. Тиймээс цэцэрлэг ашиглалтад орсноор тус эмнэлгийн ажилтан, албан хаагчдын нийгмийн нэг чухал асуудлыг шийдвэрлэх боломж бүрдлээ. Мөн тус цэцэрлэг ашиглалтад орсноор дүүргийн хэмжээнд цэцэрлэгийн тоо нэгээр нэмэгдэж 64 цэцэрлэг үйл ажиллагаа явуулж байна.

Сэтгүүлч

Сэтгүүлч Ц.Соёлмаа soyolmaa@vip76.mn