Өнөөдөр буюу 2023 оны 03 дугаар сарын 02-ны өдрийн 11.00-13.00 цагийн хооронд Төрийн ордны "Их Эзэн Чингис Хаан" танхимд Жендэрийн үндэсний хорооны 2023 оны ээлжит хуралдааныг зохион байгууллаа.

Хуралдаанаар доорх гурван мэдээллүүдийг сонсож, гишүүд асуулт асууж, хариулт авч, саналаа хэллээ.

Хорооны 2022 оны үйл ажиллагааны төлөвлөгөөний хэрэгжилт, 2023 оны үйл ажиллагааны төлөвлөгөөний төсөл танилцуулах /Жендэрийн үндэсний хорооны нарийн бичгийн дарга бөгөөд Ажлын албаны дарга Т. Энхбаяр/
Эрэгтэй, эмэгтэй хүний дундаж наслалтын зөрүүг багасгах, Эрэгтэйчүүдийн чанартай урт наслалыг дэмжих /Эрүүл мэндийн дэд сайд С. Энхболд/
Авлигын эсрэг эмэгтэйчүүд /Хууль зүй, дотоод хэргийн дэд сайд Б. Солонгоо/

Дээрх гурван мэдээллийг сонссоны дараа Монгол улсын Ерөнхий сайд, Жендэрийн үндэсний хорооны дарга Л. Оюун-Эрдэнэ тавьсан мэдээллүүдтэй холбоотой саналаа хэлж, байр сууриа илэрхийллээ.

Мөн хурлыг ЗГХЭГ-ын дарга Амарсайхан үргэлжлүүлэн чиглүүлж, үндэсний хорооны гишүүдийн 100%-ийн саналаар дараах шийдвэрүүдийг гаргалаа. Үүнд:

Жендэрийн үндэсний хорооны 2023 оны үйл ажиллагааны төлөвлөгөөг баталлаа.
Жендэрийн эрх тэгш байдлыг хангах салбар дундын стратеги төлөвлөгөөг хэрэгжүүлэхтэй холбогдуулан холбогдох тогтоолуудыг баталлаа.