УИХ-ын гишүүн Ж.Эрдэнэбат өнгөрөгч амралтын өдрүүдэд аймгийн Идэрчүүдийн аварга шалгаруулах волейболын тэмцээн үзэж, багш дасгалжуулагч нарынхаа хамтаар улсын аваргад оролцох аймгийнхаа шигшээ багийг бүрдүүллээ.

Тэмцээн бүсийн аварга болон аймгийн аваргын төлөөх гэсэн хоёр шаттай зохион байгуулагдсан юм. Бүс тус бүрээс шалгарсан эрэгтэй, эмэгтэй нийт 28 багийн 300 орчим тамирчид оролцож аймгийн аваргууд тодорлоо. Сурагч хүүхдүүд маань волейболын спортоор ихээр хичээллэж, тэмцээнд оролцогчдын тоо нэмэгдэн идэвхтэй, өрсөлдөөнтэй байгаад Сэлэнгэ аймгийн Волейболын холбооны тэргүүний хувьд талархалтай байгаагаа илэрхийллээ.

Эрэгтэй төрөлд:

• I байр алтан медаль Мандал 3-р сургууль (Таван хан ноён клуб)
• II байр мөнгөн медаль Хэрх 5-р сургууль
• III байр хүрэл медаль Мандал 1-р сургууль

Эмэгтэй төрөлд:

• I байр алтан медаль Хөтөл спорт цогцолбор
• II байр мөнгөн медаль Мандал 3-р сургууль
• III байр хүрэл медаль Орхон ЕБС тус тус хүртлээ.

Багийн дүнгээр

• I байр Мандал 3-р сургууль
• II байр Орхон ЕБС
• III байр Хөтөл Спорт цогцолбор шалгарлаа.