Олон улсын эмэгтэйчүүдийн эрхийг хамгаалах өдрийн хүрээнд Сонгинохайрхан дүүргийн 43 хорооны эмэгтэйчүүдийн хөдөлмөр эрхлэлтийг дэмжих, нийгмийн идэвх оролцоо, манлайллыг нэмэгдүүлэх, бизнесийн хүрээг нь тэлэх, сайн туршлага судлах зорилгоор хороодын манлайлал болсон 70 гаруй ээжүүдийн төлөөлөл дунд “Баярлалаа ээжээ” арга хэмжээг зохион байгууллаа.

Тус арга хэмжээг Засаг даргын тамгын газар, Дэлхийн зөн Монгол ОУБ-ын Сонгинохайрхан орон нутгийн хөтөлбөрийн хамт олон, дүүргийн Боловсролын хэлтэс, Соёлын ордон, дүүргийн 43 хороо, Сургуулийн өмнөх боловсролын байгууллагууд болон Хөвгүүдийн зөвлөлтэй хамтран зохион байгуулжээ.

“Баярлалаа Ээжээ” арга хэмжээний үеэр хүүхдүүдийнх нь ээжүүддээ зориулан бичсэн сэтгэлийн үгтэй захидлыг, таримал цэцгийн хамтаар бэлэг барилаа.

Энэ үеэр

Эмэгтэйчүүдийн манлайлал ба оролцоо лекц
Ээждээ хүргэх бидний мэндчилгээ
Миний туршлага, миний зорилго туршлага хуваалцах үйл ажиллагаа болсон юм.

Дүүргийн “Эмэгтэйчүүдийн хөгжлийн төв” нь жилд дунджаар 360 гаруй эмэгтэйчүүдийг гар урлал, оёдлын бизнесийн чиглэлээр сургаж, ажлын байраар ханган, зуучлан ажиллахын сацуу гадаад дотоодын үзэсгэлэн худалдаанд оролцуулдаг.

Мөн Хөдөлмөр, халамж үйлчилгээний хэлтэс дээр “Эмэгтэйчүүдийн хөдөлмөр эрхлэлтийг дэмжих хөтөлбөр”, “Хүүхэд харах төв”-үүдийг байгуулан ажилттай хэрэгжүүлж байна.

Түүнчлэн мэргэжлийн болон цахим ур чадварыг богино хугацаанд эзэмшүүлэх хөдөлмөр эрхлэлтийн хосолсон сургалтыг явуулж 60 гаруй эмэгтэйг (нярав, манекурчин) сурган, ажлын байраар хангаад байгаа билээ.

“Баярлалаа ээжээ” арга хэмжээг зохион байгуулав