Сонгинохайрхан дүүргээс сонгогдсон УИХ-ын гишүүд болон дүүргийн удирдлагууд өнгөрсөн гуравдугаар сард хороо тус бүрийн иргэдтэй уулзсан. Тус уулзалтын үеэр иргэдээс ирсэн санал, хүсэлтийг шийдвэрлэхээр 43 хороо тус бүр дээр очиж, газар дээр нь ажиллахаар болсон билээ.

Энэ ажлын хүрээнд СХД-ийн Засаг дарга Н.Алтаншагай дүүргийн ажлын хэсгээ ахлан Өнөр бүсийн хороодоор ажиллав. Тухайлбал, 12, 13, 14, 15 хороонд тулгамдаж байгаа асуудлуудыг шийдвэрлэж, бүтээн байгуулалтыг яаралтай эхлүүлэхээр боллоо.

Тодруулбал Энхтайваны өргөн чөлөөний хойд талын нийтийн эзэмшлийн талбайг тохижуулах ажлын зураг төсөл бэлэн болжээ.  Ингэснээр Саппорогоос 32-р байр хүртэлх нийтийн эзэмшлийн талбайд туслах авто зам, дугуйн зам, гэрэлтүүлэг, ногоон байгууламжтай байхаар тохижилт хийх юм.