Сонгинохайрхан дүүргийн хэд, хэдэн хороодын нийтийн эдэлбэр талбайд зөвшөөрөлгүй газар ашиглаж байсан тоосгон гарааш, контейнерыг чөлөөлөх ажил үргэлжилж байна.

Дүүргийн хэмжээнд энэ оны газар чөлөөлөх ажил дөрөвдүгээр сарын 15-наас эхэлсэн бөгөөд тус ажлын хүрээнд 16-р хороо  82, 83 дугаар сургуулийн урд талд байрлалтай 27 ширхэг тоосгон гараашийг буулгаж, 900 мкв талбайг чөлөөллөө. Энэхүү талбайд явган хүний зам, гэрэлтүүлэг, авто зогсоолтой тохижилтын ажлыг гүйцэтгэх юм.

Энэ жил Сонгинохайрхан дүүргийн хэмжээнд 24 байршилд 492 ширхэг тоосгон болон бетон гарааш, контейнер, төмөр зөөврийн чингэлгийг буулгаж, газар чөлөөлөхөөр төлөвлөгөөнд тусгагдсан. Дүүргийн 16 дугаар хорооны газрыг чөлөөлснөөр 9 га газрыг нийтийн эзэмшилд шилжүүлэн иргэдэд ээлтэй, эрүүл, аюулгүй орчинд амьдрах нөхцөлийг сайжруулах боломж бүрдэнэ.