БНПУ-ын Ерөнхийлөгч Анджей Дуда Монгол Улсад хийж буй Төрийн айлчлалынхаа үеэр хоёр улсын харилцаа, хамтын ажиллагаанд үнэтэй хувь нэмэр оруулж байгаа монгол иргэдэд төрийн одон гардуулав.

Улаанбаатар, Варшав хотын хамтын ажиллагааг өргөжүүлэн хөгжүүлэх, бэхжүүлэх чиглэлээр ажиллаж буй хөдөлмөр зүтгэлийг маань үнэлэн БНПУ-ын Гавьяаны загалмайн мөнгөн одонгоор шагнасныг тус улсын Ерөнхийлөгч Анджей Дудагаас гардан авлаа.

Миний бие нийслэлийн төр захиргааны байгууллагын удирдлагын багт ажиллаж байх хугацаандаа нийтийн тээвэр, хотын дэд бүтэц, орон нутгийн засаг захиргааны эрх зүйн зохицуулалтын чиглэлээр польшийн талтай хамтран ажиллаж ирсэн. Мөн Улаанбаатар хотноо Ф.Шопены нэрэмжит гудамж бий болгох санаачилга дэвшүүлж ажил хэрэг болгосон юм.