УИХ-ын чуулганы /2023.04.28/-ны өдрийн хуралдаанаар Монгол Улсын Их Хурлын гишүүн Х.Ганхуягаас Эрчим хүчний сайдад хандаж “Эрчим хүчний хангамжийн найдвартай байдлын талаар” тавьсан асуулгын хариуг сонслоо.

УИХ-ын гишүүн Б.Энх-Амгалан:

БНСУ-ын эксим банкны санхүүжилтээр барих баруун бүсийн ДЦС-ын ажлыг ажил хэрэг болгох ёстой. Арван аймгаас есөн аймагт хэрэгжих юм байна. Бид нар тууз хайчлаад нээлтээ хийсэн. Сая сайдын тайлбараас үнэ нэмэгдэх нь тодорхой бөгөөд үнээс болж түр зогссон байна. Хэзээ магадлан хийж, ажил хийх вэ. Хийгдэхгүй бол баруун бүсийн аймгуудад хүндрэл гарах нь ээ. Дорноговь аймагт байдаг Сэргээгдэх эрчим хүчээ цэгцэлсэн үү, ашигласан ч мөнгө төлдөг, ашиглаагүй ч мөнгө төлдөг, шүүхдээд манай улс их хэмжээний мөнгө төлөх болчихсон. Ийм гэрээг анх хэн хийсэн бэ, өр төлбөр хэд байгаа вэ. Үүнийг яаж зохицуулах вэ, манай улсад ашиггүй хийсэн гэрээний хариуцлагыг хэн хариуцах вэ.

Эрдэнэбүрэнгийн усан ЦС-ын асуудал баруун бүсэд ихээхэн ач холбогдолтой. Баруун бүсийн төвийн сүлжээг өргөтгөхгүй бол импортын тог асар үнэтэй. Тусгай хэлэлцээр хэзээ дуусах вэ. БНХАУ-аас хариу хүлээсээр байгаад 2024 оныг даваад явчих вий. Хятадаас бодит хариу өгсөн үү, ажил хэзээ хийгдэх вэ.

Түүний асуултад Эрчим хүчний сайд Б.Чойжилсүрэн хариуллаа.

Сэтгүүлч

Сэтгүүлч Ц.Соёлмаа soyolmaa@vip76.mn