УИХ-ын чуулганы /2023.04.28/-ны өдрийн хуралдаанаар Монгол Улсын Их Хурлын гишүүн Х.Ганхуягаас Эрчим хүчний сайдад хандаж “Эрчим хүчний хангамжийн найдвартай байдлын талаар” тавьсан асуулгын хариуг сонслоо.

Эл асуудалтай холбогдуулан гишүүд асуулт асууж, байр сууриа илэрхийлэв. 

УИХ-ын гишүүн С.Бямбацогт:

Үйлдвэрлэл технологийн парк барина, Эрдэнэбүрэнгийн цахилгаан станцыг барих нь чухал, ажил урагшаа явах гэхээр үүнийг харлуулж байгаа хүмүүс их байна. Эрдэнэбүрэнгийн цахилгаан станцтай холбоотой харлуулсан мэдээлэл гараад ирлээ. Гэтэл сайдын мэдээлэлд усан цахилгаан станцын ач холбогдлыг дурдаж байна. Гадаргын болон гүнийн усны гарцыг нэмнэ гэсэн ач холбогдлыг хэллээ. Иргэд Эрдэнэбүрэнгийн ЦС-аас үүдэж, Хар ус нуур ширгэнэ, байгаль орчин доройтно гэсэн ойлголттой байна. Та үүн дээр тайлбар хэлнэ үү. Иргэд нөхөн олговрын тал дээр асуудалтай хандаж байна. тухайн усан сан бүрэлдэх газарт нөхөн олговор олгох ёстой.Станц барихтай холбоотой тээвэр хийгдэнэ, үүнтэй холбоотой түр зам хийгдэнэ, тоосжилт үүснэ. Үүнийг иргэд ярьж байна.

Ийм учраас нөхөн олговор олгооч гэсэн санал хэлж байна. нөхөн олговрыг хэрхэн, яаж олгох вэ. Үүнийг олгох ёстой. Иргэдээс яагаад усан цахилгаан станц барих гээд байна вэ гээд л асууж байна, та бүхэн зөв тайлбар, мэдээлэл иргэд хүргээрэй.

Сэтгүүлч

Сэтгүүлч Ц.Соёлмаа soyolmaa@vip76.mn