12:15 2023/04/27

Төрийн болон орон нутгийн өмчөөр бараа үйлчилгээ худалдан авах тухай хуулийн шинэчилсэн найруулгыг хэлэлцэж байна. Төсвийн байнгын хорооны санал дүгнэлтийг УИХ-ын гишүүн Ц.Сандаг-Очир танилцууллаа.

ШУУД ҮЗЭХ:

11:23 2023/04/27

Үргэлжлүүлэн Төмөр замын тээврийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийж байна. Эдийн засгийн байнгын хорооны санал дүгнэлтийг УИХ-ын гишүүн Ж.Бат-Эрдэнэ танилцууллаа.

Шинэчилсэн найруулгын төслөөс онцлох заалтад:

Төмөр замын тээврийн тухай хуулийг боловсруулахдаа өмнө нь ОХУ-ын хуулийг үндэслэсэн байсан. Энэ удаа үг, үсгийн хувьд шинэчилж, энгийн иргэдэд ойлгомжтой байлгахаар оруулсан.
Төмөр замын суурь бүтэц эзэмшигч, тээврийн үйл ажиллагаа эрхэлж байгаа компани тусдаа байх зохицуулалт хийсэн.
Одоогийн байдлаар улсын хэмжээнд 2,800 км орчим төмөр зам бий. Төрийн болон хувийн хэвшлийн төмөр замын хоорондын харьцааг уялдуулахын тулд Төмөр замын агентлаг байгуулна.
Төмөр замын тээврийн байгууллага өөрсдөө тарифаа гаргаж, үүнийг бодитой эсэхийг төрийн захиргааны байгууллага хянах юм. Орон тооны бус тарифын зөвлөлийг байгуулах зэрэг томоохон шинэчлэлийг тусгасан" гэдгийг УИХ-ын гишүүн Ж.Бат-Эрдэнэ онцолж байв.

09:37 2023/04/27

Аялал жуулчлалын тухай хуулийн төслийн ажлын хэсэгт нэг хоногийн завсарлага өглөө

УИХ-ын чуулганы нэгдсэн хуралдаан эхэллээ. Хуралдаанаар Аялал жуулчлалын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлгийг явуулахаар болжээ. Уг хуулийн төсөлтэй холбогдуулан зарчмын зөрүүтэй 96 санал байна.

Энэхүү хуулийн төслийн анхны хэлэлцүүлгийг явуулсан талаарх Эдийн засгийн байнгын хорооны санал дүгнэлтийг УИХ-ын гишүүн Х.Ганхуяг танилцуулж байна.

Хуулийн төсөлтэй холбогдуулан УИХ-ын гишүүн П.Анужин "Энэ хууль 33 зүйлтэй хэр нь зарчмын зөрүүтэй 96 санал байна. УИХ бол хуулийн бөөс түүдэг, нөхөөс хийдэг газар биш" гэв.

Харин УИХ-ын гишүүн, Барилга хот байгуулалтын сайд Ц.Даваасүрэн "Манай улсад шүдний эмчилгээний үнэ харьцангуй хямд байгаа учраас ОХУ-ын иргэд ирж үйлчилгээ авч байна. Даатгал, татварыг хэрхэх үү, эмнэлгийг нь яаж дэмжих үү гэдгийг эрх зүйн талаас нь зохицуулах хэрэгтэй" гэж ярилаа.

УИХ-ын дарга Г.Занданшатар Аялал жуулчлалын тухай хуулийн төслийн ажлын хэсэгт нэг хоногийн завсарлага өглөө.

Ц.Даваасүрэн: Манай улсад шүдний эмчилгээний үнэ хямд учраас ОХУ-ын иргэд ирж үйлчилгээ авч байна

Ц.Даваасүрэн: Манай улсад шүдний эмчилгээний үнэ хямд учраас ОХУ-ын иргэд ирж үйлчилгээ авч байна