Барилгын салбарын аж ахуй нэгжүүдийн бүтээгдэхүүн, барилгын материал, дэвшилтэт техник, технологийг танилцуулах “Барилга экспо-2023” үзэсгэлэн яармаг эхэллээ.

Энэ сарын 30-ныг хүртэл үргэлжлэх тус үзэсгэлэнд барилгын материал үйлдвэрлэгч болон ханган нийлүүлэгч 120 гаруй аж ахуйн нэгж байгууллагууд барилгын салбарт хамгийн сүүлийн үед нэвтрүүлсэн шинэ техник, технологио танилцуулж байна.

Нээлтийн арга хэмжээнд Барилга, хот байгуулалтын яамны Барилга, барилгын материал үйлдвэрлэлийн бодлогын хэрэгжилтийг зохицуулах газрын дарга Д.Гантулга,  “Барилгын хөгжлийн төв” ТӨҮГ-ын захирал Ц.Амарсанаа, салбарын холбоодуудын төлөөллүүд болон үзэсгэлэн, яармагийн ерөнхий ивээн тэтгэгч, ивээн тэтгэгч компаниудын удирдлагууд оролцлоо.