Буянт ухаа" спортын ордны засвар үйлчилгээний төслийн автозамын ажлын нээлт боллоо
2023.05.24

Буянт ухаа" спортын ордны засвар үйлчилгээний төслийн автозамын ажлын нээлт боллоо

БНХАУ-ын Засгийн газрын буцалтгүй тусламжаар хэрэгжиж буй "Буянт ухаа" спортын ордны засвар үйлчилгээний төслийн автозамын ажлын нээлтийн үйл ажиллагаа боллоо.

Тус нээлтийн үйл ажиллагаа 2023 оны 5 дугаар сарын 18-ны өдөр амжилттай зохион байгуулагдаж, Төрийн өмчийн бодлого, зохицуулалтын газрын Төрийн өмчийн удирдлага, зохицуулалтын хэлтсийн дарга Ц.Баяр-Эрдэнэ болон “Буянт-Ухаа" спортын ордны Захирал Л.Энхбаяр, БНХАУ-ын талаас “Жүннан архитектур дизайны хүрээлэн” ХХК-ний төслийн удирдах ажилтан Ян Шаомоу нар оролцов.

Энэхүү спортын ордон нь Монгол Улс-Бүгд Найрамдах Хятад Ард Улсын Засгийн газрын эдийн засаг, техникийн хамтын ажиллагааны гэрээ хэлэлцээрийн хүрээнд 2010 онд ашиглалтад орсон бөгөөд гурван ээлжээр мэргэжлийн дэвжээд дээр жудо, чөлөөт бөхийн сургалтуудыг хүүхэд залуусын дунд үнэ төлбөргүй явуулж байна.

Уг цогцолборын ашиглалтын 78 хувийг соёл урлагийн арга хэмжээ эзэлдэг. “Буянт-Ухаа” спортын ордон баригдснаар нийт ард иргэдийн эрүүл мэндийг чийрэгжүүлэх, эрүүл зохистой аж төрөх ёсыг хэвшүүлэн нийтийн биеийн тамираар хичээллэхэд болон нийгмийн соён гэгээрүүлэх үйлсэд чухал хувь нэмэр оруулснаараа ач холбогдолтой.

Мөн тус спортын ордонд бүх нийтийн спортын тэмцээн уралдаан, өдөрлөгийг тогтмол зохион байгуулдаг.