2023.05.29

“Бүх хайраа гэр бүлдээ” эх үрсийн баярын өдөрлөг зохион байгуулав

Олон Улсын Хүүхдийн эрхийг хамгаалах өдрийг тохиолдуулан Баянзүрх дүүргийн байнгын асаргаатай хүүхэд болон асран хамгаалагчдад нь зориулан “Бүх хайраа гэр бүлдээ” эх үрсийн баярын өдөрлөг зохион байгууллаа.

Хүрэлцэн ирсэн хүүхдүүдэд маань “Анабад далайн аялал” жүжгээ толилуулсан Монополь продакшны залуус, дуучин Ч.Уранхолбоо мөн авьяаслаг хүүхдүүд болон энэхүү арга хэмжээг зохион байгуулсан ажилтнууддаа баярлалаа.

Нөр их ажлыг амжуулдаг дүүргийн халамж, үйлчилгээний ажилтан, нийгмийн хамгааллын чиглэлээр үйл ажиллагаа эрхэлдэг төрийн бус байгууллагын төлөөллөө салбарын шагналаар шагнаж, урамшууллаа.

Удахгүй тусгай асрамж, халамж шаардлагатай хүүхдүүддээ зориулан Баянзүрх дүүрэгт Сувилалын төв барихаар төлөвлөж байгаагаа дуулгахад таатай байна. Хүүхэд бүхэн эрүүл, инээд хөөр, эрдэм мэдлэгээр дүүрэн байг.