Эдийн засгийн хөдөлгөгч хүч болсон бизнес эрхлэгчид, баялаг бүтээгчид, татвар төлөгчдөө дэмжих талаар дэлхий нийтээрээ л ярьж байна.

Тухайлбал:

Бизнес эрхлэхэд хүндрэл учруулж буй ил далд бүх саадыг арилгах
Харилцан ойлголцож, хамтарч ажиллахын тулд хувийн хэвшил, хөрөнгө оруулагчдад чин сэтгэлээсээ хандах
Нээлттэй, ил тод, хүртээмжтэй байж шударга өрсөлдөөн, үнэ цэнтэй хамтын ажиллагааг хөгжүүлэх
Амин хувиа бодох, үл ойлголцол, үзэн ядалтаас ангид байх нь хамтдаа хөгжиж-хамтдаа хожих гол жор гэдэгтэй бүгд санал нэг байна.

БНХАУ улс одоогоос 10 жилийн өмнө дэлхийн эдийн засгийн 11%-г эзэлж байсан бол өнөөдөр 18%-г эзлэх болжээ. Сүүлийн 10 жилийн турш тус улсын эдийн засаг дунджаар жил бүр 6.6% өссөөр ирсэн байна.

БНХАУ-ын хурдацтай хөгжлөөс суралцаж, том зах зээлд нэвтэрч, эдийн засгийн өсөлтөөс нь үр шим хүртэх гэж дэлхий нийтээрээ тэмүүлж байхад хөрш орны хувьд Монгол Улсад маань асар их боломж харагдаж байна.

ЗТХ-ийн сайдын хувьд салбараа элдэв хүнд суртлаас ангид, ил тод, илүү хүртээмжтэй, өндөр бүтээмжтэй, чанартай үйлчилгээтэй, шинэ техник технологи, шилдэг инновац нэвтэрсэн салбар болгоход хөршөөсөө суралцах зүйл их буйг анзаарлаа.

Дэлхийн эдийн засгийн форум буюу “ЗУНЫ ДАВОС”-т оролцлоо