Зам, тээвэр хөгжлийн сайд С.Бямбацогт энэ оны 3-р сард Катар улсад айлчилж Агаарын харилцааны хэлэлцээр байгуулан гарын үсэг зурсан билээ.

Энэ үеэр Катар Улсын Тээврийн сайд, "Qatar airways" компаний удирдлагатай уулзаж хоёр талын хооронд шууд нислэг нээх, Монгол Улсын мэргэжлийн боловсон хүчнийг сургаж дадлагажуулах, тус компанид ажиллуулах талаар яриа хэлэлцээр хийсэн.

Айлчлалын үр дүнг бодит ажил хэрэг тал дээр Монгол Улсаас Катар Улсад хавсран суугаа элчин сайд П.Сэргэлэн маань идэвхитэй ажиллаж тодорхой арга хэмжээнүүдийг Катарын талаас хэрэгжүүлэхээр болов.

Түүнчлэн "МИАТ" ТӨХК-ний БОИНГ-787-9 онгоцны нисгэгч, инженер техникийн ажилтнууд болон агаарын хөлгийн үйлчлэгч нарыг "Qatar airways" компани дээр сургаж, дадлагажуулна. Монгол - Катарын хооронд шууд нислэг нээх судалгааны ажлыг Катарын тал эхлүүлсэн. Богино хугацаанд дуусгах төлөвлөгөөтэй байна.

Тус компанид онгоцны үйлчлэгчээр ажиллах хүсэлтэй иргэдийн сонгон шалгаруулалт өнөөдрөөс зарлагдсан бөгөөд 09 дүгээр сарын 13-ний өдөр хүртэл бүртгэнэ.

Дэлхийд тэргүүлэгч Катар улсын агаарын тээвэрлэгч Монголоос 50 онгоцны үйлчлэгч авна