Ховд аймгийн Мянгад, Буянт сумдад Ховд аймгийн хадлангийн гол бүс нутаг байдаг. Мянгадын Цагаанбуланд хадлангийн олон салаа гарч хадлан бэлтгэх ажил ид өрнөж байна.

Өнгөрсөн зун хур бороо харьцангуй элбэг байсан тул хадлангийн гарц гайгүй сайн байна. Техник хэрэгслийн тухайд хаман боогч дутагдалтай байгаа талаар хадланчид ярьж байлаа. Өвс боолгоход боодол нь 1500 төгрөгийн өртөгтэй гэнэ.

Нэг боодол өвсийг одоогоор 6500 төгрөгөөр зах зээлд борлуулж байна.
Харин Буянт сумын тухайд ургац хураалт үндсэндээ шувтарч байна. Ногоочид хураасан ногоогоо борлуулахаар аймаг нийслэлийг зорьжээ.

Дашрамд дурдахад миний бие ногоочдынхоо хураасан Ховд нутгийнхаа хөрсөнд ургасан хүнсний ногоо, жимс жимсгэнэ, тэр дундаа тарвас, төмс, амтат гуаг нийслэлийн хэрэглэгчдэд худалдаалах боломжийг уламжлал ёсоор бүрдүүлж, БЗД, ЧД-ийн тодорхой байршлуудад түрээсийн төлбөр хураамжгүйгээр худалдаа эрхлэх боломжийг олгоод байгаа билээ

Хадлангийн гарц их, ногоочдын ургац арвин байна