Зам, тээврийн салбар саяхан Бээжингийн зам харилцааны их сургуульд тэтгэлэгтэй суралцах 42 оюутандаа тэтгэлэг олгож сургуульд нь үдэж өгсөн бол өнөөдөр та бүхэндээ дахин 1 баярт мэдээг дуулгах гэж байна.

Тухайлбал, Оросын тээврийн сургуульд төмөр замын чиглэлээр 70 орчим оюутан бэлтгэдэг байсан бол энэ жилээс оюутан тэтгэлэгтэйгээр суралцуулах боломж нээгдлээ.

Москвагийн автозам, атвтотээврийн техникийн их сургууль (МАДИ)-д өмнө нь ЗГ-ын тэтгэлгээр оюутан суралцдаггүй байсан бол энэ жилээс 10 хүртэлх оюутан тэтгэлэгтэйгээр суралцдаг болно.

Мөн төмөр замын мэргэжлээр Москва ,Санкт, Омск Новосибирск, Эрхүү хотуудад нийт оюутан тэтгэлэгтэй суралцах боломжууд бий боллоо.

Аль ч салбарын хөгжлийн хөдөлгөгч хүч нь салбарын ХҮНИЙ НӨӨЦ, БОЛОВСОН ХҮЧИН билээ. Тиймээс цаашид ч зам, тээврийн салбарынхаа ирээдүйн боловсон хүчнийг бэлтгэх ажилд онцгой анхаарч шинэ инновац, шинэ үнэт зүйлийг бүтээгч залуусаа тууштай дэмжиж ажиллах болно.