Азийн хөгжлийн банкны Монгол дахь суурин төлөөлөгч Шэннон Коулин, тус банкны Монгол дахь суурин төлөөлөгчийн газрын ахлах эдийн засагч Эдуард Фабе нарыг хүлээн авч уулзлаа.

• Боловсролын хөтөлбөрийн шинэчлэл,
• Санхүүжилтийн тогтолцооны шинэчлэл,
• Үнэлгээний тогтолцоог бэхжүүлэх,
• Багш бэлтгэл болон хөгжүүлэх,
• Цахим шилжилт,

Удирдлагын менежментийг сайжруулах зорилтыг үр дүнтэй хэрэгжүүлэхэд Азийн хөгжлийн банкны дэмжлэг, хамтын ажиллагаа чухал нөлөөтэй гэдгийг онцолж хэллээ.

Сүүлийн жилүүдэд боловсролын хүртээмжийг сайжруулах чиглэлээр засгийн газар онцгой анхаарал хандуулж байна. Үүний үр дүнд хүүхэд бүрийг цэцэрлэгт хамруулах боломж бүрдсэн. Харин ерөнхий боловсролын сургуульд элсэгчдийн тоо жил ирэх тусам нэмэгдэж байгаа учраас гурван ээлжид шилжих эрсдэл жил бүр үүссээр байна. Тиймээс боловсролын хүртээмжийг сайжруулах чиглэлээр хамтран ажиллахыг хүслээ.

Сургууль, цэцэрлэгийн хүртээмжийг сайжруулахын тулд үр ашигтай төлөвлөлт хийх, ингэхдээ төр хувийн хэвшлийн урт хугацааны түншлэлийг бий болгох чиглэлээр хамтарч ажиллаж, Азийн хөгжлийн банкны зүгээс техник туслалцааны дэмжлэг үзүүлэх боломжтой талаар мэдээлэл өглөө.