Ерөнхий боловсролын сургуулийн сурагч, багш ажилтан, эцэг эх, асран хамгаалагчдад мэргэжлийн сэтгэл зүйн үйлчилгээ үзүүлэх Боловсролын сэтгэл зүйчид сургалтаа амжилттай дүүргэн сертификатаа гардан авлаа.

Боловсролын сэтгэл зүйчийн мэргэшүүлэх 6 дахь удаагийн сургалт 2023 оны 09 дүгээр сарын 26-наас 10 дугаар сарын 30-ны өдрүүдэд Улаанбаатар хотод танхимаар зохион байгуулагдлаа.

Сургалтад Баян-Өлгий, Баянхонгор, Булган, Дархан-Уул, Өвөрхангай, Өмнөговь, Сэлэнгэ, Хөвсгөл, Төв аймаг, Хан-Уул, Чингэлтэй, Сүхбаатар, Баянгол, Баянзүрх дүүргийн нийт 25 ерөнхий боловсролын сургуулийн сэтгэл зүйч хамрагдлаа.

2024-2025 оны хичээлийн жилд бүх ерөнхий боловсролын сургуульд сэтгэл зүйч ажиллуулах зорилтын хүрээнд Боловсролын сэтгэл зүйчийн 7 дахь удаагийн сургалтын сонгон шалгаруулалтын хугацаа өнөөдөр дуусаж байна.

Сонгон шалгаруулалтын хугацаа 2023 оны 10 дугаар сарын 31-ний өдрийг дуустал үргэлжлэх тул ерөнхий боловсролын сургуульд шинээр ажиллаж байгаа сэтгэл судлаач мэргэжилтэн та бүхнийг урьж байна.