УИХ-ын намрын ээлжит чуулган Төрийн ордонд болж байна. Өнөөдрийн /2023-12-01/ хуралдаанаар нийт нутгийн өвөлжилтийн нөхцөл байдал, авч хэрэгжүүлж буй арга хэмжээний талаарх мэдээлэл сонсож байна. 

Хэлэлцэж буй асуудлаар гишүүд асуулт асууж, байр суурь илэрхийллээ

УИХ-ын гишүүн Ц.Даваасүрэн: 

УИХ-ын удирдлагуудын зүгээс өвөлжилтийн талаар тодорхой арга хэмжээ авч, мэдээлэл хийгээч ээ гэсэн саналыг хүлээж авч өнөөдөр мэдээлэл хийж байгаад талархаж байна. Өвөлжилтийн байдал бол эрт хүндэрч байна. Зарим суманд маш их хэмжээний цас ороод, мөстөөд мал бэлчих бололцоогүй болсон. Өвөлжилт хүндэрсэн сумд нь өвөлжилтгайгүй байгаа сум руугаа очиж байгаа учраас бэлчээрийн асуудал маш хүнд болж ирж байна. Манай аймгийн хувьд бол Жаргал, Цэцэрлэг, Цагаан-Үүр, ялангуяа Жаргал, Цэцэрлэгийн малчид бусад сум руугаа отроор ороход нэлээн хүндрэлтэй байдал үүсээд байна. Тиймээс отрын асуудлыг сайн зохицуулж өгөхөд онцгой анхаарах шаардлагатай.

Малчдын хувьд ялангуяа зудад өртсөн сумдын иргэдийн хувьд үнэхээр хүнд байна. Хэцүү нөхцөл байдалд орсон байна. Тийм учраас мал авах тухай асуудлыг зохион байгуулж өгөх шаардлага байх шиг байна. Малчид малаа тарган байгаа үед нь нядлах арга хэмжээнүүдийг авч эхэлж байна. Тэгэхээр энэ чиглэлд нь анхаарах хэрэгтэй. 12 болон 01 сард хүйтний эрч чангараад ирэхэд нүүдэлсэн, оторлосон малд маш хүнд болно. Хавар хүндрэх юм бол малын хорогдол үүсэж болзошгүй байна. Тиймээс урьдчилсан арга хэмжээнүүдийг зохион байгуулах хэрэгтэй байна.

Өвөлжиlт хүндрээгүй сум руу отроор ороход нь яаж зохион байгуулах вэ гэдэг ийм арга хэмжээнүүдийг орон нутгийн онцгой байдалтайгаа хамтраад, ХАА-н байгууллагатай хийх зайлшгүй шаардлага тулгарч байна. Нөхцөл байдал хаа, хаанаа тодорхойгүй байгаад байна, цаг уурын хувьд сарын прогноз гаргах байх. Гэхдээ эрсдэлтэй. Цаашдаа яаж ч хүндэрч мэднэ. Тиймээс болзошгүй  хүндрэлийг тооцоод ажиллах шаардлага үүсэж байна.    

Түүний асуултад, ХХААХҮ-ийн Сайд Х.Болорчулуун хариуллаа.

Сэтгүүлч

Сэтгүүлч Б.Хонгорсайхан