Төрийн өмчийн бодлого, зохицуулалтын газрын Төрийн өмчийн удирдлага, зохицуулалтын хэлтэс нь “Бид – ёс зүйг эрхэмлэсэн, авлига, ашиг сонирхлын зөрчлөөс ангид хамт олон” аяны хүрээнд “Өөрийгөө цэнэглэе, Өөдрөгөөр эхэлье᠌” уриатайгаар 2023 оны 11 дүгээр сарын 27-ны өдөр, Монгол уламжлалт өглөөний цай, өөдрөг бүхний эхлэл байхыг уриалсан урмын үгтэй мэндчилгээний хамтаар угтаж, нөлөөллийн цэсийг танилцуулан эхлүүлсэн.

Мөн тус өдөр ᠌”Мэдлэгээрээ нэгдье, Мэдээллээ солилцъё” уриатайгаар нийт албан хаагчдын дунд хөгжөөнт тэмцээн зохион байгуулав.

Энэхүү хөгжөөнт тэмцээнийг 3 үе шаттай зохион байгуулсан ба 1-р үе шат нь авлига, ашиг сонирхлын зөрчил, компанийн засаглал болон танин мэдэхүйн асуулт хариултын тэмцээн 2-р үе шат нь танин мэдэхүйн үг таалгах тэмцээн 3-р үе шат нь багаараа 1:1 метр хэмжээ бүхий "Нэгдье аяны лого", "Би авлигаас ангид байна", “ТӨБЗГ-ын байрны зураг”, “Төрийн ордны зураг”, “ТӨБЗГ-ын лого”, “Ёс зүйтэй холбоотой үгнүүд”, “Ухамсар хөшөөний зураг” зэрэг утга агуулга бүхий зурагтай том шоонуудыг эвлүүлэх даалгавар байсан юм.

ТӨБЗГ-ийн нийт албан хаагчдын дунд сугалаа тарааж, улаан, цэнхэр карт сугалсан албан хаагчид багт хуваагдан тус тэмцээнд оролцсон.

Тус үйл ажиллагаа нь авлига, ашиг сонирхлын зөрчил, компанийн засаглал болон танин мэдэхүйн тухай ойлголт мэдлэгийг дээшлүүлж, шинэлэг болон хөгжөөнт байдлаар зохион байгуулснаараа өвөрмөц онцлогтой юм.

“Өөрийгөө цэнэглэе, Өөдрөгөөр эхэлье᠌”, ”Мэдлэгээрээ нэгдье, Мэдээллээ солилцъё” үйл ажиллагаа боллоо