Манай ажлын алба болон Ардын боловсролын тэргүүний ажилтан, шатрын спортын 1-р зэргийн тамирчин О. Ажигцэрэн багшийн удирдлага дор Дархан сумын ОД цогцолбор сургуулийн дунд ангийн 20 сурагчид хамруулан шатрын анхан шатны мэдлэг олгох сургалтыг зохион байгуулж өндөрлөлөө. 2018 оноос 5 жилийн хугацаанд нийтдээ 400 гаруй хүүхдүүдийг шатрын анхан шатны мэдлэг олгох сургалтад хамруулаад байна.

Шатрын спортоор хичээллэсэн хүүхдүүд төлөвшлийн хувьд маш олон давуу талыг бий болгодог. Боловсрол бол сонголт хийх чадвар гэж ярьдаг. Шатар сайн тоглож сурсан хүүхдүүд маш сайн сонголт хийж сурдаг гэж үздэг. Иймд Дарханыхаа хүүхэд багачууддаа оюуны хөрөнгө оруулалт болгох үүднээс клубийн тамирчдын ур чадварыг сорих тэмцээнийг энэ сарын 30-нд зохион байгуулахаар төлөвлөөд байна.