Монгол Улсын Сангийн сайд Б.Жавхлан Азийн хөгжлийн банкны Суурин төлөөлөгч Шаннон Ковлинтой /2024.01.11/ уулзаж “Аймаг сумын бүсчилсэн ногоон хөгжлийн хөрөнгө оруулалтын хөтөлбөр”-ийн нэгдүгээр үе шатыг санхүүжүүлэх 140.2 сая ам.долларын зээл, 28.0 сая ам.долларын буцалтгүй тусламжийн хэлэлцээрт гарын үсэг зурлаа.

Энэхүү хөтөлбөр нь Монгол Улсын Ерөнхийлөгчийн санаачилсан “Хүнсний хувьсал” МУЗГ-ын “Шинэ сэргэлтийн бодлого”-ыг хэрэгжүүлэхэд томоохон дэмжлэг үзүүлнэ.

Хөтөлбөр 10 жилийн хугацаанд 17 аймгийн 52 байршилд хэрэгжих бөгөөд МУЗГ Азийн хөгжлийн банк, Европын хөрөнгө оруулалтын банк, Европын Холбоо болон Уур амьсгалын ногоон сангийн зээл,буцалтгүй тусламж гээд нийт 735.0 сая ам.долларын санхүүжилт хийгдэнэ.

“Аймаг сумын бүсчилсэн ногоон хөгжлийн хөрөнгө оруулалтын хөтөлбөр”-ийг хэрэгжүүлснээр хөдөө, орон нутагт хүн амьдрах таатай орчин нөхцөлийг бүрдүүлэх, хот, хөдөөгийн уялдаа холбоо дэд бүтцийн холболтыг сайжруулах, хөдөө аж ахуйн салбарын үйлдвэрлэлийг хөгжүүлж, алсдаа хүнсний гол нэрийн бүтээгдэхүүний хэрэгцээг дотоодоосоо 100 хувь хангах боломж бүрдэх юм.

Аймаг сумын бүсчилсэн ногоон хөгжлийн хөрөнгө оруулалтын хөтөлбөрийн санхүүжилтийн хэлэлцээрт гарын үсэг зурлаа