ДУНДГОВЬ АЙМГИЙН БАЯНЖАРГАЛАН СУМАНД УЛСЫН АВАРГА МАЛЧИН ТӨРЛӨӨ

Баянжаргалан сумын Шилийн гол багийн малчин С.Сүхбаатар, гэргий Р.Отгончимэгийн гэр бүл ХVII жарны "Хилэнт эх" хэмээх модон луу жилийн босгон дээр ажил, хөдөлмөрөөрөө улсдаа тэргүүлж "Улсын Аварга Малчин" боллоо.Улсын аварга малчин болсон аймгийн алдарт уяач С.Сүхбаатарын гэр бүлд баяр хүргэж, эрүүл энх, хамгийн сайн сайхан бүхнийг хүсэн ерөөе.

ДУНДГОВЬ АЙМГИЙН ГОВЬ-УГТААЛ СУМАНД УЛСЫН АВАРГА МАЛЧИН ТӨРЛӨӨ

Дундговь аймагт 1 хошой аварга, 10 Улсын аварга малчин төрснөөс Говь-Угтаал сумын Морьт багийн малчин Г.Ганбаатар, гэргий Ж.Цэцэгмаагийн гэр бүл Сар шинийн босгон дээр "Улсын Аварга Малчин" боллоо.ХVII жарны "Хилэнт эх" хэмээх модон луу жилийн босгон дээр ажил, хөдөлмөрөөрөө улсдаа тэргүүлж Улсын аварга малчин болсон Г.Ганбаатарын гэр бүлдээ баяр хүргэж, эрүүл энх, хамгийн сайн сайхан бүхнийг хүсэн ерөөе.

ДУНДГОВЬ АЙМГИЙН АДААЦАГ СУМАНД УЛСЫН АВАРГА МАЛЧИН ТӨРЛӨӨ

Адаацаг сумын Ар-Урт багийн малчин Я.Энхболд, гэргий С.Өнөрбаярын гэр бүл "Улсын Аварга Малчин" боллоо.
Дундговь аймгийн Хөдөлмөрийн баатар Бямбын Дашзэвгэ гуайн гарын шавь бөгөөд бага балчир наснаасаа мал маллагааны арга туршлагад суралцаж, бэлчээрийн мал аж ахуй эрхэлдэг хөдөлмөрч гэр бүлдээ Сар шинийн босгон дээр хүндтэй шагналаар шагнагдсанд баяр хүргэж, "Хилэнт эх" хэмээх модон луу жилдээ элгээрээ энх амгалан, төрлөөрөө түвшин амгалан байх болтугай.

ДУНДГОВЬ АЙМГИЙН ДЭЛГЭРЦОГТ СУМАНД УЛСЫН АВАРГА МАЛЧИН ТӨРЛӨӨ

Дэлгэрцогт сумын Дэлгэр-Эмт багийн малчин Г.Батчулуун, гэргий С.Маамын гэр бүл Сар шинийн босгон дээр "Улсын Аварга Малчин" боллоо.Ангийнхаа найзаар болон гэр бүлээр нь бахархаж бна. 10 жилийн математикийн сонгоны шилдэг сурагч нь байсан одоо малчин болоод ч шилдэг нь байна. Нэг төгсөлтийнхэнтэйгээ уулзаж баярыг нь хуваалцах сайхан байлаа. Бэлчээрийн мал аж ахуй эрхэлж, суран эдлэл боловсруулах, бүтээгдэхүүн үйлдвэрлэдэг гарын ур дүйтэй ажилсаг хичээнгүй гэр бүлдээ Сар шинийн босгон дээр хүндтэй шагналаар шагнагдсанд баяр хүргэж, "Хилэнт эх" хэмээх модон луу жилдээ элгээрээ энх амгалан, төрлөөрөө түвшин амгалан байх болтугай.

ДУНДГОВЬ АЙМГИЙН САЙНЦАГААН СУМАНД 2 УЛСЫН АВАРГА МАЛЧИН ТӨРЛӨӨ

Сайнцагаан сумын Далай багийн малчин Ц.Дашзэвгэ, гэргий Ж.Оюумаа болонТэвш багийн малчин Ш.Мөнхбат, гэргий П.Хандмаа нарын гэр бүл Сар шинийн босгон дээр "Улсын Аварга Малчин" боллоо.Ц.Дашзэвгэ нь нутгийн брэнд болсон мах ноосны чиглэлийн сайнцагаан омгийн хонийг үржүүлдэг цөм сүргийн малчин, харин
Ш.Мөнхбат нь бага балчир наснаасаа мал маллах ухаанд суралцсан бөгөөд Мөнхбатын аав Шатар гуай мөн Улсын аварга малчин юм. "
“Хилэнт эх" хэмээх модон луу жилдээ элгээрээ энх амгалан, төрлөөрөө түвшин амгалан байх болтугай.