Тэрээр, 2024.02.18-ны өдөр Дорноговь аймгийн Онцгой комиссын шуурхай хуралдаанд оролцож, үүсээд буй цаг үеийн нөхцөл байдлын талаарх мэдээллийг сонслоо.

Монгол Улсын нийт нутаг дэвсгэрт өвөлжилт, хаваржилт хүндэрч байгаатай холбогдуулан Засгийн газрын 2024 оны 2 дугаар сарын 16-ны өдрийн Ээлжит бус хуралдаанаар хэлэлцсэн "Зудын эрсдэлийг бууруулах, эрүүл мэндийн болон бусад тусламж үйлчилгээг иргэдэд шуурхай хүргэх, эрэн хайх аврах ажиллагааг шуурхай зохион байгуулахад шаардлагатай автомашин, шатахуун болон бусад бараа материалын зардал, аймгуудад улсын нөөцөөс өвс, тэжээл хямдруулан олгох, хаагдсан зам, давааг нээх, айл өрхийг нүүлгэн шилжүүлэх зэрэг зардлыг Засгийн газрын нөөцөөс гаргах" тухай танилцууллаа.

Үүнтэй уялдуулан нэгдсэн удирдлагаар хангаж зохицуулахаар Говийн 4 аймгийн Шуурхай бүлгийн бүрэлдэхүүнийг УИХ-ын гишүүн Б.Дэлгэрсайхан ахалж ажиллахаар боллоо.