Уулзалтын үеэр, Эрдэнэбүрэнгийн усан цахилгаан станцыг ашиглалтад оруулж байнга тог тасардаг байдлыг халахаас гадна Увс аймагт усалгаатай газар тариаланг хөгжүүлэх. Баруун бүс нутагт малын тэжээлийн үйлдвэр байгуулах. Өмнөговь сумыг авто замтай болгож дотоодын аялал жуулчлалыг дэмжих. Малчдын орлогыг нэмэгдүүлж банкны зээлээс салгах арьс шир болон малын гаралтай түүхий эд, дайвар бүтээгдэхүүнийг боловсруулах үйлдвэр байгуулах. Баруун бүсийн нэгдсэн жишиг эмнэлэг байгуулж алслагдсан бүс нутгийн иргэд эрүүл мэндийн үйлчилгээг чанартай ойр газраас авах боломжийг бүрдүүлэх талаар санал хүсэлт дэвшүүллээ.

Түүнээс гадна Өмнөговь суманд жижиг дунд үйлдвэрлэл хөгжих боломж арвин байна. Маш олон иргэд гутлын цех, блокны цех, талх, нарийн боовны цех ажиллуулж байна.

Тэдгээрийг нэгдэж хоршоолон ажиллах нөхцлийг бүрдүүлэх нь чухал байна. Хөдөлмөрч Өмнөговьчуудынхаа хүсэлтийг ажил хэрэг болгоход онцгой анхаарч ажиллана.

БАРУУН БҮСИЙН ШИЛДЭГ СУМ ӨМНӨГОВЬЧУУДТАЙ УУЛЗАЛТ ХИЙВ