УИХ-ын чуулганы нэгдсэн хуралдаанаар “Эрчим хүчний шинэ эх үүсвэрийн талаар” тавьсан асуулгын хариуг танилцуулав.

Уг хариутай холбоотойгоор УИХ-ын гишүүд асуулт асууж, санал хэллээ.

УИХ-ын гишүүн Ж.Батсуурь

Монгол Улсын Ерөнхий сайдад өнгөрсөн оны 10 дугаар сард эрчим хүчний талаар асуулга тавьсан. Учир нь Монгол Улсад өнөөдөр болж бүтэхгүй байгаа зүйл үйлдвэрлэл хөгжихгүй байгаа энэ утаа, түгжрэл гээд маш олон зүйлээс шалтгаалдаг боловч миний хувьд бол хамгийн гол нөлөөлж байгаа зүйл бол эрчим хүчний хязгаарлалт гэж хэлэхэд болно. Та олон удаа бас Ерөнхий сайдын асуулга олон зүйл дээр бид нарт Монгол Улсын өнөөгийн хэрэглээ нийлүүлэлт 2 үе аль хэдийн даваад өнгөрчихсөн гэсэн ийм зүйлүүдийг бол хэлдэг, энийг ойлгодог, мэддэг. Тэгээд дээр нь одоо энийг бас сонирхоод байгаагийн шалтгаан бол нэгэнт Монголын эрчим хүчний систем хомсдолтой байгаа болохлоор зүүн бүсийг хязгаарладаг тэгэхлээр зүүн бүсэд өөрт нь 5-7 тэрбум хүрэн нүүрсний нөөц байдаг үүгээрээ бид нар бас энэ цахилгаан станцыг босгох боломжтой биш байгаа гэсэн судалгааны явцад энэ цахилгаан станцын 10 гаруй жилийн энэ түүхийг сонирхох асуултууд надад маш олноор ирсэн юм аа Чойжоо сайд аа. Тийм учраас танаас хэдэн зүйлийг асууя. Таны илтгэлтэй холбогдуулаад одоо надад маш олон материалууд ирсэн байна танд баярлалаа. Энэ материалуудаас хараад байхад бол хэд хэдэн зүйлийг асуумаар санагдсан.

Нэгдүгээр асуулт Оюутолгой, Тавантолгой хэдэн мегаватт хэрэглэдэг юм бэ? Энэ жилд хэдэн сая долларыг гадагш нь өгдөг юм бэ гэсэн асуулт байгаа юм. Дээр нь энэ тавантолгойн цахилгаан станц 450мвт-ын цахилгаан станц бол 10 гаруй жил яригдаад таныг эрчим хүчний сайд болоход энэ бас явчих юм байна бизнес хүн энэ чиглэлийг дэмждэг хүн гэсэн харин ч бүр удаашраад явчихлаа. Тэгээд 2021 онд нэг тендер хүчингүй болсон 2022 онд нэг тендер хүчингүй болсон 2023 онд тендер хүчингүй болсон одоо шүүхийн шатанд байгаа гэж та хэллээ. Асуудлыг бол ингээд таны энд ирсэн бичиг баримтуудыг үзээд байхад сангийн яам энэ тендерийг хүчингүй болгоод дараагийнх яаралтай зарла гээд байгаа юм биш үү. Тэгэнгүүт шүүх дээр байна гэсэн байдлаар асуудалд хандаад байдаг. Тэгэхлээр энэ шүүх дээр дээр байгаа энэ асуудлуудыг хандаад байхад өрсөлдөгч өгч компаниасаа 30 сая доллар илүү санал өгсөн туршлага муутай тэр Камбожийн компанийг шалгаруулах гээд хүч түрээд байгаа юм биш байгаа? Энэ нь өөрөө сангийн яам болон бодлогын яамнууд энийг зогсоохгүй гээд цааш нь явуулах гээд шүүх дээр байгаа. Энэ нь тэр компанийг зориудаар шалгаруулах гээд байгаа юм шиг орж ирээд байна.

Түүний хариултад Эрчим хүчний сайд Б.Чойжилсүрэн, Эрчим хүчний яамны үнэлгээний хорооны дарга Б.Ерэн-Өлзий нар хариуллаа

Ж.Батсуурь: Өнөөдөр Монгол Улсад үйлдвэрлэл хөгжихгүй, утаа, түгжрэл гэх мэт олон зүйлд хамгийн их нөлөөлж буй зүйл бол эрчим хүчний хязгаарлалт гэж боддог.